Газад бараг 500 хоног хоригдсон Израилын иргэн энэ долоо хоногт тус бүсээс сүүлчийн барьцаалагдсан хүний цогцсыг буцааж өгсний дараа хэлэхдээ, "Бид одоо амьсгалж, амьдралаа дахин эхлүүлэх боломжтой боллоо" гэжээ.
"Амазон"-ы электроникийн инженер ажилтай, 30 настай Саша Труфановыг 2023 оны 10 дугаар сарын 7-нд Палестины Исламын Жихад бүлэглэлийн зэвсэгт этгээдүүд барьцаалжээ. Түүний сүйт бүсгүй Сапир Коэн, ээж, эмээ нарыг мөн хулгайлж, Газын зурваст аваачжээ. Эмэгтэйчүүдийг 50 гаруй хоног барьцаалагдсаны дараа сулласан байна. Тэрбээр 498 хоног олзонд байсны эцэст жилийн өмнө гэртээ иржээ.
Тэрбээр Лондонд очсон даруй анхны ярилцлагаа "BBC News"-т өгсөн байна. Даваа гарагт Газад барьцаанд байсан хамгийн сүүлчийн Израил хүн болох Ран Гвилигийн цогцос буцаж ирсэн нь бүх барьцаалагдсан хүмүүс буцаж харьсан явдал байв. Энэ нь мөн 2014 оноос хойш тус нутагт нэг ч Израид хүн барьцаанд байхгүй байгаа тохиолдол болжээ.
Саша Труфанов "Би буцаж ирснээсээ хойш хүнд ачааг үүрч байгаа. Миний мөрөн дээрх ачаа намайг амьдралдаа эргэн ороход саад болж байсан. Хэдийгээр бид суллагдсан ч Газаас гарч ирээгүй, учир нь бидний найз нөхөд, ах дүүс тэнд байсаар байсан" гэв.
Даваа гарагт сүүлчийн хүний цогцос нутагтаа очиход түүнд баяр төрж байсан гуниг бас хавсран байлаа. Учир нь даваа гарагт түүний аав Виталийгийн төрсөн өдөр байв. Труфанов аавыгаа хөнөөгдсөнийг 2025 оны хоёрдугаар сард мэдсэн. Түүний аав суллагдсан өдөр нь түүнийг авахаар ирээгүй ажээ. Гэмт бүлэглэлийнхэн түүний аавыг зөрчилдөөн эхэлсэн 2023 оны 10 дугаар сарын 07-нд алагджээ.
Труфанов, Коэн нар Газын хилийн ойролцоох Нир Оз кибуц гэх газар гэр бүлийнхэнтэйгээ уулзаж байх үед Палестины зэвсэгт этгээдүүд тэдний гэрт дайран орж ирсэн. Улмаар Коэныг хөнжилдөө ороогоод орон доор нуусан боловч хоёулаа баригджээ. Труфановыг цохиж, мөрөнд нь хутгалжээ. Тэр үеийн тухай ярихдаа тэр "Би террористыг маш их уур хилэн, үзэн ядалтаар дүүрэн, хутгаа барьсан байдалтай, намайг хутгалах хүсэл дүүрэн байгааг харсан. Би тэндээс зугтах гэж оролдсон ч хоёр хөлөндөө буудуулсан. Тархинд минь хүчтэй өвдөлт мэдрэгдэж, газарт унасан. Тэгтэл террористуудын нэг нь толгойны ар талаас винтовоор цохиж, толгойг минь хагалсан" гэжээ. Улмаар тэднийг Газад аваачихад өөртөө хэлсэн аж.
Газад байх хугацаандаа Труфанов бараг ямар ч эмчилгээ аваагүй. Түүнийг нэг удаа айлын гэрт, нэг удаа эмнэлэгт хүргэж, хугарсан хөлийг нь эхлээд модон шүүрээр, дараа нь төмөр сараалжны хэсгээр ороосон байна. Бусад олон барьцаалагдсан хүмүүсээс ялгаатай нь түүнийг бараг бүхэлд нь тусгаарлан хорьсон. Олзлогдсон 498 хоногийн ердөө хоёрхон хоногт нь Труфанов өөр нэг барьцаалагдсан хүнийг харсан.
Эхэндээ түүнийг зургаан долоо хоногоос дээш хугацаагаар торонд түгжиж, амьд байлгахын тулд хааяа нэг хооллож байв. Тэнд тэрбээр нэгэн харуул түүнийг өөртөө бэлгийн харьцаанд орохыг удаа дараа ятгасан, бэлгийн дарамтанд өртсөн гэжээ. Тэр мөн долоо хоногт нэг удаа шүршүүрт орж байсан байна. Тэр одоо сэтгэл санааны болон бие махбодийн нөхөн сэргээлт хийх шаардлагатай болсон. Тэрбээр хөлөндөө мэс засал хийлгэж одоогоор таягтай байгаа. Гэсэн ч хэдэн долоо хоногийн дараа тэр Сапир Коэнтэй хуримаа хийхээр төлөвлөж байна.
Л.Баяр
