АНУ-ын Флорида мужид сүүлийн хэдэн арванд ховор тохиолдсон хүйтний улмаас мянга мянган игуана гүрвэл хөшингө болж, зарим нь модноос унаж байгаа гэх хачирхалтай мэдээлэл байна. Тус мужийн зэрлэг ан амьтдыг хамгаалах агентлаг "тэднийг барихад маш амархан болсон" гэж мэдэгджээ.

Игуана гүрвэл зэрэг мөлхөгчид бол эктотерм бөгөөд энэ нь тэдний биеийн дотоод температур гадаа цаг агаараас хамаардаг гэсэн үг юм. Флорида мужид агаарын температур нэмэх 10 хэмээс доош унасан тэдний дотоод үйл явц удааширч, ийм байдалтай болоход шууд нөлөө үзүүлжээ.

Флорида мужийн зэрлэг ан амьтдын агентлаг олон нийтээс тус мужид уугуул биш түрэмгий төрөл зүйл болох эдгээр игуанаг барьж өгөхийг хүссэн байна. Тэдний мэдээлснээр, одоогоор 2000 гаруй хүйтэнд цочирдсон игуанаг эрх баригчдад хүлээлгэн өгчээ.

Л.Баяр