Австралид 13 настай хүү ээж, дүү нарынхаа хамт далайд осолдсон бөгөөд "хүнд нөхцөлд" тусламж авахаар эрэг хүртэл дөрвөн километр газар сэлж гэр бүлээ аварсан баатарлаг түүхийг бүтээжээ.
Австралийн баруун хэсгийн Квиндалап хотын эргээс баасан гаргийн үдээс хойш завиар аялж явсан гэр бүл осолдсоныг аварлаа гэж Вашингтон мужийн цагдаагийн газраас даваа гарагт мэдэгджээ. Завь нь усанд живсний дараа тэр гэр бүлийнхнээ аврах зорилго тээж бүдэг гэрэл харагдах эргийн зүг сэлэхээр шийдсэн байна. Тусламж дуудах хүсэл тээсэн хүү замдаа эцэж ядарсан ч гэр бүлээ аврах хүсэл нь түүнд хүч болж байсан тухай хожим нь хэвлэлд ярьсан байна.
Тэрбээр "Би зүгээр л зүгээр дээ. Өнөөдөр биш, өнөөдөр биш, өнөөдөр биш" гэж хэлсээр байсан. Би үргэлжлүүлэн сэлсээр байх хэрэгтэй байсан. Маш хол байсан. Би брэстрэйл, чөлөөт сэлэлт, амьд үлдэх араар сэлэлтээр хичээллэсэн. Би замдаа далайн эргийн ёроолд цохигдоод ухаан алдсан. Эрэгт хүрэнгүүтээ гар утас руугаа хүрэхийн тулд хоёр километр гүйсэн" гэжээ.
"Хүүгийн энэхүү гавьяа бол хүн төрөлхтөнд үлгэр жишээ болохуйц, насанд нь ахалсан хүчин чармайлт байсан. Аврах хантаазгүй хоёр цаг сэлнэ гэдэг хэний ч чадахгүй зүйл" гэж Тэнгисийн цэргийн аврах ангийн командлагч Пол Бресланд 9News-д ярьжээ.
Остины ээж Жоанн Аппелби, "Манай бүх хүүхдүүд нь бага наснаасаа л усанд сэлж сурсан. Түүний хүчин чармайлтыг сонсоод би юу хэлэхээ мэдээгүй. Гэхдээ би хүүгээ үүнийг хийж чадна гэдгийг би мэдэж байсан" хэмээжээ.
Л.Баяр
