Их Британийн хаан III Чарльзын дүү Эндрю Маунтбаттен-Виндзорыг түүнийг буруутгагч Виржиниа Жиуффрийн гэр бүлийнхнээс педофил санхүүжүүлэгч Жеффри Эпштейнтэй холбоотой талаар АНУ-д ирж дэлгэрэнгүй мэдүүлэг өгөхийг шаардаж байна.
Ардчилсан намын Конгрессын гишүүн Ро Ханна BBC-д өгсөн ярилцлагадаа, Хааны гэр бүл "ил тод байгаагүй" гэж хэлсэн бол Ардчилсан намын Конгрессын гишүүн Тереза Легер Фернандез III Чарльз хаан "дүүдээ АНУ руу явж мэдүүлэг өгөхийг хэлэх ёстой" гэж мэдэгджээ.
Өнгөрсөн Даваа гарагт хаан хааны гэр бүл цагдаагийн мөрдөн байцаалтад хамтарч ажиллахад бэлэн гэдгээ мэдэгджээ. Эндрю ямар ч буруу зүйл хийгээгүй гэдгээ удаа дараа няцаасаар байгаа.
Эпштейний дуулиан дэгдсэн энэ цаг үед Букингемийн ордны хэвлэлийн төлөөлөгч хэрэв цагдаа нар тэдэнтэй холбоо барьвал мөрдөн байцаалтад нь дэмжин ажиллана гэж мэдэгдсэн. Түүнчлэн хаан ахынхаа эсрэг гаргасан мэдэгдэлд "гүн гүнзгий санаа зовнилоо тодорхой илэрхийлсэн. Хаан, хатан хоёр хохирсон хүмүүсийн төлөө эмгэнэж байгаа" гэжээ.
Хуучин ханхүү тэрбээр 2010, 2011 онд худалдааны элчээр ажиллаж байхдаа Эпштейнтэй нууц мэдээллийг санаатайгаар хуваалцсан, гэмт хэргийг нь нуун дарж хамт үйлдсэн зэрэгт сэжиглэгдэж байна.
Л.Баяр
