Даваа гарагт АНУ-ын зүүн эрэгт хүчтэй шуурга дэгдэж, түүхэн дээд хэмжээнд хүрсэн цас орсны улмаас олон мянган нислэг цуцлагдахад хүрлээ. Ойролцоогоор 94 см зузаан цас орсон бөгөөд Нью-Йорк хотын Төв цэцэрлэгт хүрээлэнд 19 инчээс илүү цас орсон гэж тус улсын Үндэсний цаг уурын алба мэдээлэв.
Нью-Йорк хотод аялах нөхцөлгүй гэж муж улсын агентлаг анхааруулав. Зүүн эрэг дээрх 600 мянган гаруй айл өрх, бизнес эрхлэгчид цахилгаангүй болсон бөгөөд Нью Жерси, Массачусетс мужууд хамгийн их хохирол амссан. Өвлийн шуурганы сэрэмжлүүлэг Хойд Каролинаас хойд Мэн хүртэл үргэлжилж, Канадын зүүн хэсэгт хойд зүгт зарим сэрэмжлүүлэг гарсан.
Америкийн хамгийн жижиг муж болох Род-Айлендад шуурганы үеэр хамгийн их цас орсон бололтой. Үнэндээ энэ нь тус мужид урьд өмнө хэзээ ч байгаагүй хамгийн хүчтэй цасан шуурга болсон тохиолдол гэнэ. Мужийн нийслэл Провиденс хотод 36 инч цас оржээ. Хамгийн сүүлд 1978 оны хоёрдугаар сард бүртгэгдсэн 28.6 инчийн цас түүхэн зузаан цас байв.
Массачусетс мужид 300 мянга орчим хүн цахилгаангүй болсон гэж "poweroutage.us" сайт мэдээлэв. Нью-Йорк хотод бүх зам, хурдны зам, гүүрийг хаасан. АНУ дотор, АНУ руу болон АНУ-аас цуцлагдсан нислэгийн тоо 5706-аас давжээ. Тус сайтаас харахад Нью-Йоркийн ЛаГуардиа нисэх онгоцны буудлаас нисэх нислэгийн 98 хувь нь цуцлагдсан бөгөөд өдөрт дунджаар 335 мянга гаруй зорчигч хүлээн авдаг Нью-Йорк хотын гол нисэх онгоцны буудлын төв болох JFK-ээс нисэх нислэгийн 91 хувь нь цуцлагдсан байна.
Бостоны Логан олон улсын нисэх онгоцны буудал даваа гарагт нислэгүүдийнхээ 92 хувийг цуцалсан бол Нью Жерсигийн Ньюарк Либерти нисэх онгоцны буудал 92 хувийг, Филадельфийн олон улсын нисэх онгоцны буудал 80 хувийг цуцалжээ.
