Мексикийн аюулгүй байдлын албаныхан өнгөрсөн ням гарагт хүчирхийлэл, эмх замбараагүй байдлыг өдөөсөн өндөр түвшний ажиллагаа явуулж, тус улсын хамгийн их эрэн сурвалжлагдаж буй гэмт хэргийн картелийн удирдагч Немесио “Эль Менчо” Осегера Сервантесийг устгасан. 

Осегера нь сүүлийн жилүүдэд нөлөөгөө хурдацтай тэлж, АНУ-ын метамфетамин болон фентанилын гол наймаачдын нэг болсон хүчирхэг Халиско Шинэ Үеийн Картелийн удирдагч бөгөөд хамтран үүсгэн байгуулагч болтлоо томорсон. 

Энэхүү халдлага нь Мексикийн хувьд шийдвэрлэх мөчид болж байгаа харамсалтай. Тус улсмын Ерөнхийлөгч Клаудиа Шейнбаум АНУ-ын Ерөнхийлөгч Доналд Трампаас хар тамхины наймаатай тэмцэхийг шаардаж буй дарамт шахалттай тулгарч байна. Эль Менчог хөнөөсний дараа тус улсад олон хотуудад эмх замбараагүй байдал үүсэж, хаа сайгүй буудалцаан, галдан шатаах үйл ажиллагаа, дэлбэрэлт болсоор буй. 

Эдгээрийн нэг Мексикийн Гуадалахара хот 2026 оны хөлбөмбөгийн дэлхийн аварга шалгаруулах тэмцээний хэсгийн шатны дөрвөн тоглолтыг зохион байгуулах үүргийг хүлээсэн. 

Мексикийн хүчин Осегераг олон жил мөрдсөний эцэст энэ сарын 20-нд байршлынх нь талаар тодорхой мэдээлэл хүлээн авчээ. Мексикийн Батлан ​​​​хамгаалахын сайд Рикардо Тревилла Трехогийн хэлснээр, Осегерагийн сүлжээг мөрдөн шалгах ажиллагаа нь тэднийг түүний нуугдаж байсан газарт нэвтрэхэд тусалж чадах гол хүн болох Осегерагийн амрагуудын нэгтэй холбосон байна. Өөрөөр хэлбэл Осегера амрагаасаа болж үхсэн.

Л.Баяр