Bolivian Air Force-ийн Hercules C-130 тээврийн онгоц баасан гарагийн орой осолдож, 15 хүн амь үрэгдэж, 30 гаруй хүн гэмтсэн талаар орон нутгийн эрх баригчид мэдээллээ.

Осол El Alto хотод, Боливийн нийслэл La Paz-ын ойролцоо болсон байна. Онгоц Санта Крус хотоос хөөрч, газардах үедээ нисэх зурвасаас гулсан гарч, нисэх буудлын хажуугийн өргөн чөлөө рүү орсон гэж албаныхан мэдэгдэв.

Уг онгоц нь Central Bank of Bolivia-аас шинээр хэвлэсэн мөнгөн дэвсгэрт тээвэрлэж явсан бөгөөд ослын дараа газар дээр мөнгө тарсан тухай гэрчүүд мэдээлжээ. Орон нутгийн эрх баригчид ослын бүсэд хяналт тогтоож, иргэдийг тараах арга хэмжээ авсан байна.

Ослын улмаас Эль Альтогийн олон улсын нисэх буудлын үйл ажиллагааг түр хугацаанд зогсоожээ. Үндэсний агаарын тээврийн Boliviana de Aviación компани мэдэгдэлдээ осолдсон онгоц нь өөрсдийн флотод хамаарахгүй гэдгийг онцолсон байна.

Одоогоор ослын шалтгааныг тогтоохоор холбогдох байгууллагууд мөрдөн шалгах ажиллагаа явуулж байгаа бөгөөд цаг агаарын таагүй нөхцөл нөлөөлсөн байж болзошгүй гэсэн урьдчилсан таамаг дэвшүүлжээ.