АНУ болон Израилsн цэргүүд Аятолла Али Хаменеиг хөнөөснөөр Ираны дэглэмийн цөмд эрх мэдлийн хоосон орон зай үүсэж, түүний залгамжлагчийг олох нарийн төвөгтэй үйл явцыг эхлүүлсэн.
Исламын Бүгд Найрамдах Улс хагас зуун жилийн өмнө засгийн эрхэнд гарснаасаа хойш дээд удирдагчаа ердөө ганцхан удаа сольсон. 1989 онд Аятолла Рухолла Хомейниг залгамжлах болсон Хаменеи албан ёсоор зарлагдсан өв залгамжлагчгүйгээр алагдсан.
Хаменеигийн залгамжлагчийг сонгох хүртэл эрх мэдлийг барих гурван хүний бүрэлдэхүүнтэй зөвлөл ням гарагт байгуулагдсан. Гэвч АНУ-Израилын хоорондын дайралт үргэлжилж байгаа тул энэ нь хэр удаан үргэлжлэхийг тодорхойлоогүй байна. Ираны үндсэн хуулийн дагуу шинэ дээд удирдагчийг томилох хүртэл гурван хүний бүрэлдэхүүнтэй удирдах зөвлөл эрх мэдлийг хэрэгжүүлдэг.
Үүнд ерөнхийлөгч Масуд Пезешкиан, шүүхийн хатуу шугамын тэргүүн Голамхоссейн Мохсени Эжей, ахлах шашны зүтгэлтэн Алиреза Арафи нар багтдаг.
Ираны парламентын нөлөө бүхий спикер Мохаммед Багер Галибаф тус дэглэм "эдгээр мөчүүдэд өөрсдийгөө бэлдэж", "бүх хувилбарыг төлөвлөсөн" гэж мэдэгдэв. АНУ-Израилын довтолгоо үргэлжилж байгаа тул Хаменеигийн залгамжлагчийг томилоход илүү удаан хугацаа шаардагдах магадлалтай байна.
Л.Баяр
