Ираны өмнөд хэсэгт орших сургуульд АНУ-Израилын арми агаарын цохилт өгсний улмаас амиа алдсан сурагч, ажилтнуудын оршуулгын ёслол болж өнгөрлөө.

Ираны албаныхан Бямба гарагт Минаб хотын охидын сургууль халдлагад өртөж 160 гаруй хүн амиа алдсан гэж мэдэгдсэн. АНУ болон Израил Ираны цэргийн байгууламжууд болон удирдлагуудыг чиглэсэн өргөн хүрээтэй дайралт хийснээс болж гэмгүй номхон иргэд ийнхүү хохирсон юм.

Тус сургууль нь Исламын хувьсгалт харуулын корпусын (IRGC) баазын ойролцоо байрладаг байв. АНУ-ын цэргийнхэн уг хэргийн талаарх мэдээллийг шалгаж байгаа гэж мэдэгдсэн бол Израилын цэргийнхэн тус бүс нутагт ямар нэгэн ажиллагаа явуулж байгаа талаар "мэдэхгүй" байгаагаа хэлжээ.

Исламын Бүгд Найрамдах Иран улсын далбаагаар бүрхсэн авсыг олны дундуур зөөж, охидоо алдсан ээж, аавуудын уй гашуу олын зүрхийг зүсэв.

Ираны албаныхны мэдээлснээр, сургууль Бямба гаргийн өглөө гурван пуужингийн цохилтод өртсөн байна. Тус сургууль нь Ираны Ингибиторын Гвардийн баазаас 600 метрийн зайд байрладаг байжээ. Иранд ажлын зургаан өдөртэй, долоо хоног Бямба гаргаас Пүрэв гараг хүртэл үргэлжилдэг бөгөөд Баасан гараг нь албан ёсоор амардаг цорын ганц өдөр юм. Үүнээс үзэхэд сургууль халдлагад өртөх үед хүнтэй байсан гэсэн үг юм.

Л.Баяр