Эквадор болон АНУ-ын хүчин Өмнөд Америкийн тус улсад террорист гэж тооцогддог байгууллагуудын эсрэг ажиллагаагаа эхлүүлсэн гэж АНУ-ын цэргийн Өмнөдийн командлал мягмар гарагт мэдэгдэв. Өмнөдийн командлал энэхүү арга хэмжээ нь хууль бус мансууруулах бодисын наймаатай тэмцэх зорилготой гэж мэдэгдсэн боловч X-д нийтэлсэн мэдэгдэлдээ илүү дэлгэрэнгүй мэдээлэл өгөөгүй байна.
Эквадорын Ерөнхийлөгч Даниел Нобоа АНУ нь Эквадорын хар тамхины картелийн эсрэг дайны "шинэ үе шат"-д оролцож буй "бүс нутгийн холбоотнуудын" нэг гэж мэдэгдсэнээс хойш нэг өдрийн дараа энэхүү мэдэгдэл гарчээ. Нобоагийн хэлснээр дэлхийн кокаины 70 орчим хувь нь Эквадорын томоохон боомтуудаар дамжин урсдаг тул хар тамхины наймааны бүлэглэлүүдийн хувьд ашигтай газар болжээ. Сүүлийн жилүүдэд тус улс дэлхийн хамгийн том хар тамхины наймааны төвүүдийн нэг болсон.
Мөн дэлхийн хамгийн том кокаин үйлдвэрлэгч хоёр улс болох Колумб, Перутай хиллэдэг. Зохион байгуулалттай гэмт хэрэгтэй тэмцэж, өсөн нэмэгдэж буй хүчирхийллийг бууруулахыг хичээж буй АНУ-ын Ерөнхийлөгч Доналд Трампын дотны холбоотон Нобоагийн хувьд энэ нь улсдаа нэр хүндээ аврах цорын ганц зам ч байж болох юм.
Даваа гарагт Нобоа Кито хотод АНУ-ын Өмнөд командлалын дарга Фрэнсис Донован, Төв болон Өмнөд Америк, Карибын тэнгис дэх АНУ-ын тусгай ажиллагааны газрын дарга Марк Шафер нартай хэлэлцээ хийв.
Нобоагийн албаны мэдэгдэлд дурдсанаар, уулзалтын үеэр тэд нисэх онгоцны буудал, далайн боомтуудад мэдээлэл солилцох, үйл ажиллагааны зохицуулалт хийх төлөвлөгөөний талаар хэлэлцсэн байна. "Бид хамтдаа дэлхийн бөмбөрцгийн иргэдэд удаан хугацаанд айдас, хүчирхийлэл, авлига учруулж ирсэн хар тамхины террористуудтай тэмцэхийн тулд дорвитой арга хэмжээ авч байна" гэж АНУ-ын Өмнөд командлал мягмар гарагт мэдэгдэв.
Л.Баяр
