Өнгөрсөн жил залуучуудын удирдсан авлигын эсрэг жагсаал засгийн газраа огцруулсны дараа Балбачууд улс орныхоо ирээдүйн шинэ замыг тодорхойлох түүхэн үр дүнтэй сонгуульд саналаа өгч байна.

Өнгөрсөн есдүгээр сард болсон эсэргүүцлийн жагсаалыг өдөөсөн асуудлууд өнөөдрийн санал хураалтын төвд байна. Авлига, ажилгүйдэл, эдийн засгийн зогсонги байдал, тэгш бус байдал тус улсад том асуудал болсон. 

Парламентын 275 суудлын төлөөх санал хураалт нь хуучин намуудыг түлхэн унагах, өөрчлөлтийг хүсэн тэмүүлсэн сонгууль болж байгааг ажиглагчид онцолж байна. Тэргүүлэх нэр дэвшигчдийн дунд эсэргүүцлийн жагсаалын үеэр огцорсон ерөнхий сайд К.П.Оли, тойрогтоо түүнтэй өрсөлдөж буй реппер асан хотын дарга Бален Шах нар багтаж байна. 

Төлөөлөгчдийн танхимын сонгуулийн санал хураалтад оролцохоор бараг 19 сая хүн бүртгүүлсэн бөгөөд тэдний нэг сая нь анх удаа саналаа өгч байгаа ажээ. 

Балбын уулархаг газар нутаг нь саналын хуудсыг зөөвөрлөхөд том саад бөгөөд саналын хуудсыг гараар тоолдог тул бүрэн үр дүн хэд хоногийн дараа гарна. 

Л.Баяр