АНУ-ын Батлан хамгаалахын сайд Пит Хегсет хэлэхдээ, АНУ Иран руу довтлох ажиллагаагаа эрчимжүүлж байгаа тул "Ираны эсрэг галын хүч огцом нэмэгдэх гэж байна" гэжээ. "Иран болон Тегеран дээгүүрх галын хүчний хэмжээ огцом нэмэгдэх гэж байна" гэж тэр хэлсэн.
Доналд Трамп Цагаан ордонд болсон арга хэмжээнд АНУ Ираны нисгэгчгүй онгоц болон пуужингийн системд "цаг тутамд" цохилт өгч байгааг мэдэгдсэн бол Израилын цэргийн командлагч тус улс дайны "дараагийн үе шат" руу шилжиж байгааг мэдэгдээд байна.
Дээрх мэдээллүүд гарсантай зэрэгцэн АНУ-ын Төв командлалын дарга, адмирал Брэд Купер мэдээлэл хийжээ.
Тэрбээр хэлэхдээ, сүүлийн 72 цагийн хугацаанд АНУ-ын бөмбөгдөгч онгоц Ираны 200 орчим бай руу цохилт өгсөн гэв.
Түүнчлэн АНУ одоогоор Ираны 30 гаруй хөлөг онгоцыг живүүлээд байгаа ажээ. "Сүүлийн хэдхэн цагийн дотор бид Дэлхийн 2-р дайны нисэх онгоц тээгч хөлөг онгоцтой ойролцоо хэмжээтэй Ираны нисгэгчгүй онгоц тээгч хөлөг онгоцуудыг онилсон. Бидний ярьж байх зуур тэр хөлгүүд шатаж байгаа" гэж хэвлэлийн хурал дээр ярьжээ.
Л.Баяр
