АНУ-д төвтэй "Axio"s хэвлэлд өгсөн нэгэн ярилцлагадаа Доналд Трамп өөрийгөө Ираны дараагийн удирдагчийг томилоход "оролцох" шаардлагатай гэж хэлсэн удаатай. Д.Трамп Ираны дараагийн удирдагчийг сонгох асуудлаар ямар нэгэн "Венесуэлийн шийдэл" хайж байгаа эсэх талаар хариулт хүссэн хүмүүс их байгаа нь мэдээж. 

Шийдвэрийг ихэвчлэн Ираны Исламын Бүгд Найрамдах Улсын дээд удирдагчийг томилдог байгууллага болох Шинжээчдийн Ассамблей гаргадаг байна. Гэсэн хэдий ч одоо үүн дээр Доналд Трамп хувийн саналаа хэлэх бодолтой байгаагаа дахин тодорхой илэрхийлжээ. 

АНУ-ын Ерөнхийлөгч "Axios"-д өгсөн ярилцлагадаа, талийгч Дээд удирдагчийн хүү, 56 настай Можтада Хаменеитэй хамтран ажиллах санааг үгүйсгэжээ. Тэрбээр энэ тухайгаа "Тэд цагаа дэмий үрж байна. Хаменеигийн хүү хийсвэр хүн. Би Венесуэлийн Делси Родригестэй адил томилгоонд оролцох ёстой" гэжээ. 

Трампын засаг захиргааны үүднээс авч үзвэл Делси Родригесын гол давуу тал нь түүний өмнөх ерөнхийлөгч Николас Мадурог нэгдүгээр сарын эхээр засгийн эрхээс огцруулсан явдлыг дэмжиж байсан, Венесуэлийн нутаг дэвсгэр дээр АНУ-ын цэргийн ажиллагааны талаарх эерэг ойлголтыг авсантай нь холбоотой. 

Энэ үйл явц эцэстээ АНУ-д Венесуэлийн асар их газрын тосны нөөцийг бүрэн хянах боломжийг олгосон. Гэсэн хэдий ч Өмнөд Америкийн үндэстэн Ойрхи Дорнодынхоос тэс өөр гэдгийг Д.Трамп гадарлаж байх ёстой. 

Л.Баяр