Афганистаны Талибаны эрх баригчид эрчүүдэд яс хугалж эсвэл ил харагдахуйц шарх үлдээгээгүй тохиолдолд эхнэрээ зодохыг зөвшөөрчээ.

Хүний эрхийн төлөө тэмцэгчид уг алхамыг "сүйрэл" хэмээн буруушааж, эмэгтэйчүүдийн эрхийг харгисаар зөрчиж байна гэжээ.

Уг зарлигийг өнгөрсөн сард гаргасан ч Афганистаны хүний эрхийн Равадари бүлэг мэдээллийг олон улсын анхаарлын төвд аваачсан аж. Тус бүлэг уг баримт бичгийг анхны пушту хэлээр нь нийтэлсэн байна. Дараа нь Афганистаны Шинжээчдийн Сүлжээ уг баримт бичгийг англи хэл рүү орчуулсан гэнэ.

Дээр дурдсан шийтгэлүүд Афганистанд аль хэдийн өргөн тархсан боловч АНУ болон түүний холбоотнууд 2021 оны 8-р сард тус улсаас гарч, Талибанчууд засгийн эрхэнд эргэн ирэх боломжийг олгосноос хойш анх удаа ийм тодорхой хууль гарч буй.

Талибан хөдөлгөөний зүгээс гаргасан бүх шийдвэр нь Исламын шашны шариатын хуультай нийцдэг, шашны үндэслэлтэй гэж мэдэгдэж байна.

Л.Баяр