“Малколмын эргэн тойронд” хэмээх инээдмийн цувралын хөгжилтэй, бага зэрэг гэнэн аавын дүрээр үзэгчдийн танил болсон Америкийн жүжигчин Bryan Cranston өнөөдөр 70 нас хүрлээ.

Тэрээр 1956 оны 3-р сарын 7-нд АНУ-д төрсөн бөгөөд жүжигчний карьераа 1980-аад оноос эхлүүлсэн. Харин дэлхий даяар алдарших эхлэл нь 2000 онд гарсан “Малколмын эргэн тойронд” инээдмийн цуврал байв. Энэ бүтээлд тэр Хал нэртэй эцгийн дүрийг бүтээж, өвөрмөц инээдмийн жүжиглэлтийнхээ ачаар олон сая үзэгчдийн хайр хүндэтгэлийг хүлээсэн юм.

Хожим нь тэр огт өөр төрлийн дүрд тоглож, драмын жүжигчний гайхалтай чадвараа харуулсан. Тэр бол телевизийн түүхэн дэх хамгийн алдартай цувралуудын нэг болох Breaking Bad-д химийн багш Уолтер Уайтын дүрийг бүтээсэн явдал юм. Энэ дүрээрээ тэр Emmy шагналыг дөрвөн удаа хүртэж, телевизийн шилдэг жүжигчдийн нэг хэмээн үнэлэгдсэн.

Инээдмийн ааваас эхлээд хүчирхэг драмын дүр хүртэлх өргөн цар хүрээтэй жүжиглэлтийнх нь ачаар Bryan Cranston өнөөдөр дэлхийн хамгийн нэр хүндтэй жүжигчдийн нэг хэвээр байна. 70 нас хүрсэн ч тэр кино, телевиз, театрын уран бүтээлд идэвхтэй оролцсоор байгаа юм.