Норвегийн цагдаа нар Осло дахь АНУ-ын Элчин сайдын яаманд шөнийн цагаар болсон дэлбэрэлтийг террорист үйлдэл гэж үзэж байна. Ням гаргийн өглөө болсон дэлбэрэлтийн дараа Норвегийн нийслэл дэх Элчин сайдын яам бага зэргийн хохирол амссан, хэн ч гэмтээгүй.
"Таамаглалуудын нэг нь үүнийг террорист үйлдэл гэж үзэхэд хүргэсэн ч бид үүнд бүрэн дүүрэн итгэлгүй байна" гэж цагдаагийн хамтарсан мөрдөн байцаалт, тагнуулын албаны дарга Фроде Ларсен Норвегийн олон нийтийн NRK телевизэд ярьжээ. Норвегийн эрх баригчид АНУ-ын дипломатуудтай холбоо барьж байгаа бөгөөд уг хэргийг мөрдөн шалгах ажиллагаа явагдаж байгаа гэж мэдэгдэв.
АНУ-ын Төрийн Департаментын хэвлэлийн төлөөлөгч Осло дахь АНУ-ын Элчин сайдын яаманд болсон явдлын талаар "мэдэж байгаа" бөгөөд мөрдөн байцаалт явуулж байгаа гэж мэдэгдэв.
Норвегийн эрх баригчид уг явдлыг "хэрхэвч хүлээн зөвшөөрөгдөхгүй" гэж мэдэгдсэн бөгөөд тус улсын Гадаад хэргийн сайд Эспен Барт Эйде "дипломат төлөөлөгчийн газруудын аюулгүй байдал бидний хувьд маш чухал" гэжээ.
Тэрбээр ням гаргийн үйл явдлын талаар АНУ-ын Элчин сайдын яамны түр итгэмжлэгдсэн төлөөлөгч Эрик Мейертэй холбоо бариад байгаа аж.
Л.Баяр
