Хорват улс 2008 онд цэргийн алба хаах шаардлагыг цуцалснаас хойш анх удаа олон зуун өсвөр насныхан цэргийн алба хаахаар бүртгүүлжээ. Украинд өрнөж буй дайны таагүй байдал нь Хорватыг заавал цэргийн албыг сэргээх алхам хийхэд хүргэсэн. Хорватыг мөргөлдөөнөөс зөвхөн Унгар улс тусгаарлаж байгаа билээ.
Өсвөр үеийнхнийг элсүүлсэн уг цэргийн сургалт, арга хэмжээ Хорват даяар гурван байршилд байх цэргийн баазад явагдах бөгөөд шинээр элссэн цэргүүд гэрттээ хамгийн ойр байрлах байгууламжид очих үүрэгтэй гэнэ.
Тэнд тэд хувцас хэрэгсэл, дотуур байрны хуваарьтайгаа танилцсан даруй дараагийн хоёр сарын хугацаанд цэргийн сахилга батыг чанд дагаж мөрдөх ёстой болж байна. "Тэд одоо энгийн иргэдийн орчноос таслагдсан" гэж Хорватын Зэвсэгт хүчний жанжин штабын дарга Тихомир Кундид хэвлэлд ярьжээ.
Эхний ээлжинд 800 орчим хүн цэрэгт татагдаад байгаа. Тэдний талаас илүү хувь нь зарлан дуудах хуудас хүлээлгүй, сайн дураараа алба хаасан нь анхаарал татаж байгаа ажээ. Нийт алба хаагчдын аравны нэг нь эмэгтэйчүүд бөгөөд тэд алба хаах үүрэггүй ч сайн дураараа татагдсан хэрэг юм.
Хорватын албаныхан одоогоор ердөө 10 хүн л цэргийн албанаас татгалзсан гэдгийг онцлон тэмдэглээд, үүний оронд тэд цэргийн албан хаагчдад олгодог сар бүр олгодог 1100 еврогийн тэтгэмжийн талаас бага хувийг авахын тулд дөрвөн сар иргэний албанд ажиллах шаардлагатай болж байгааг онцолжээ.
Л.Баяр
