АНУ-Израилын Ирантай хийж байгаа дайн газрын тосны үнийг огцом өсгөж, хувьцаанд цочир өөрчлөлт оруулсны дараа "G7" буюу Их 7-ийн орнууд дэлхийн эрчим хүчний хангамжийг дэмжихэд "шаардлагатай арга хэмжээ" авахад бэлэн байгаагаа мэдэгдлээ.
Гэсэн хэдий ч G7-ийн сангийн сайд нар болон Олон улсын эрчим хүчний агентлагийн уулзалт стратегийн түүхий нефтийн нөөцийг гаргах тохиролцоонд хүрэлгүйгээр өндөрлөв. Даваа гарагт нийлүүлэлт удаан хугацаанд тасалдах вий гэсэн болгоомжлолоос болж газрын тосны үнэ баррель нь бараг 120 ам.долларт хүрсэн ч АНУ-ын Ерөнхийлөгч Д.Трамп "дайн удахгүй дуусна" гэж найдаж байгаагаа илэрхийлсний дараа огцом буурссан юм.
Виртуал уулзалтын үеэр нөөцөөс газрын тос гаргах хувилбар хэд хэдэн хэлэлцүүлгийн нэг байсан бөгөөд Олон Улсын Эрчим Хүчний Агентлагийн тэргүүн Фатих Бирол дэлхийн газрын тосны зах зээл "сүүлийн өдрүүдэд муудсан" гэж мэдэгджээ. Түүний хэлснээр, Ормузын хоолойгоор дамжин өнгөрөхтэй холбоотой бэрхшээлүүд нь газрын тосны үйлдвэрлэлийг ихээхэн хэмжээгээр муутгасан байна.
Олон Улсын Эрчим Хүчний Агентлагийн гишүүн орнууд одоогоор 1.2 тэрбум гаруй баррель улсын онцгой байдлын газрын тосны нөөцтэй байгаа бөгөөд үүнээс гадна 600 сая баррель аж үйлдвэрийн нөөцийг засгийн газрын үүрэг хариуцлагаар хадгалж байгаа гэх судалгаа байна. Хэрэв нөөцийг гаргавал энэ нь Орос Украинд бүрэн хэмжээний довтолгоо хийснээс хойш 2022 оноос хойш анх удаа тохиох болно.
Уулзалтын дараа гаргасан мэдэгдэлдээ G7: "Бид нөөц гаргах гэх мэт дэлхийн эрчим хүчний хангамжийг дэмжих зэрэг шаардлагатай арга хэмжээг авахад бэлэн байна" гэжээ.
Л.Баяр
