Украин хүүхдүүдийг Орос руу албадан гаргах, хүчээр шилжүүлэх нь хүн төрөлхтний эсрэг гэмт хэрэг, дайны гэмт хэрэг гэж НҮБ мэдэгдэв. Тодруулбал, Украины асуудлаарх Олон улсын бие даасан мөрдөн байцаах комиссын шинэ тайланд Оросын эрх баригчид Украины эзлэгдсэн бүс нутгаас хэдэн мянган хүүхдийг албадан Орос руу авч байгааг онцолжээ. Үүнд Владимир Путины "шууд оролцоо" эхнээсээ л илэрхий байсан гэв.

Украин улс 20 мянга орчим хүүхдийг Орос, Беларусь руу хууль бусаар илгээсэн гэдгийг уг тайланд дурджээ. НҮБ-ын Комисс одоогоор 2022 онд Оросуудын Украины нутаг дэвсгэрээс авч явсан 1205 хүүхдийг илрүүлжээ.

Эдгээр хүүхдүүдийн 80 хувь нь төрөлх газартаа хараахан буцаж ирээгүй байгаа бөгөөд олон эцэг эх, асран хамгаалагчид нь өнөөдрийг хүртэл насанд хүрээгүй уг хүүхдүүдийн хаана байгааг мэдэхгүй байна гэж тайланд дурджээ. 

        Энэ нь албадан өөртөө авах, эх оронд нь буцаах ажлыг үндэслэлгүйгээр хойшлуулсан зэрэгтэй тэнцэж байгаа бөгөөд НҮБ-ын мэдээлснээр, эдгээр нь тус тус хүн төрөлхтний эсрэг гэмт хэрэг, дайны гэмт хэрэг юм.

НҮБ-ын тайланд дурдсан хүүхдүүдийн дийлэнх нь Москвад байж болзошгүй бөгөөд тэд хүүхдүүдэд хууль бусаар хяналт тогтоосон болохыг эх сурвалжууда баталдаг. Алга болсон хүүхдүүд Украины бүс нутаг болох Донецк, Луганскийн Ардын Бүгд Найрамдах Улсад амьдардаг. байжээ.

Уг тайланд дурдсанаар, Москва Украинд бүрэн хэмжээний довтолгоо эхлүүлэхийн өмнөхөн эдгээр хүүхдүүдийг Украины халдлагад өртөх эрсдэлтэй гэж үзэн Оросын Холбооны Улс руу нүүлгэн шилжүүлсэн. Дараа нь хүүхдүүдийг гэр бүл эсвэл байгууллагад байрлуулж, Оросын иргэншил өгсөн гэж үзэж байна. Москва хүүхдүүдийг Украины нутаг дэвсгэрээс хүчээр нүүлгэн шилжүүлсэн гэсэн буруутгалыг үргэлж үгүйсгэдэг. 

Л.Баяр