Ормузын хоолой Ойрхи Дорнодод өрнөж буй дайны улмаас хаагдаж, шатахуун болон ачаа тээврийн үнэ тэнгэрт хадсан тул Панамын суваг ердийнхөөс илүү их ачаалалтай ажиллаж байна.

Панамын сувгийн дэд захирагч Илья Эспино де Мароттагийн хэлснээр, Хойд болон Өмнөд Америкийн хоорондох нарийн цэгээр Атлантын болон Номхон далайг холбосон уг сувагт хөлөг онгоцны тоо "бага зэрэг нэмэгдэж" байна.

Тэрбээр "Бидний хамгийн сүүлд харсан зүйл бол дамжин өнгөрөх тээврийн тоо бага зэрэг нэмэгдсэн явдал юм. Одоо шатахууны үнэ өндөр байгаа учир Панамын суваг нь богино тул илүү сонирхол татахуйц зам гэдгийг санах хэрэгтэй" гэж Эспино де Маротта CNN-д өгсөн ярилцлагадаа дурджээ.

Ойролцоогоор 50 милийн урттай Панамын суваг нь Египетийн 120 милийн Суэцийн сувгийн хагаст ч хүрдэггүй билээ.  Панамын суваг нь Панам улсын нутаг Панамын хүзүүвчийг сэтлэн Карибын тэнгисээр дамжин Атлантын далайг Номхон далайтай холбодог, эдийн засгийн маш өндөр ач холбогдолтой усан суваг юм. Сувгийн урт 81,6 километр, нийт өргөн нь 150 метр, гүн нь 12 метр байдаг. Бүтэн тивийг тойрох шаардлагагүй, усан замыг товчилдгоороо дэлхийн усан тээвэрт болон улс төр, эдийн засгийн чухал нөлөө үзүүлсээр иржээ.

Харин Ормузын хоолой нь Персийн булан ба Оманы буланг холбосон Арабын тэнгисийн стартегийн чухал ач холбогдолтой нарийхан хоолой юм. Хойд талд нь Иран, өмнө талд нь Арабын Нэгдсэн Эмират Улс, Оманы харьяа Мусандам оршино. Урт нь 167 км бөгөөд хамгийн нарийн хэсгээрээ 33 км өргөнтэй, хамгийн өргөн хэсэг нь 299 м ажээ.

Л.Баяр