Дэлхийн уур амьсгал түүхэн дэх хамгийн сүүлийн үеийнхээс ч илүү тэнцвэргүй болсон гэж НҮБ-ын Цаг уурын агентлаг анхааруулав. Дэлхийн цаг уурын байгууллагаас манай гараг нүүрстөрөгчийн давхар исэл зэрэг дулаарлын хий ялгаруулалтаараа түүхэн дээд хэмжээнд хүрээд байна.
Энэхүү дээд амжилт болох "эрчим хүчний тэнцвэргүй байдал" өнгөрсөн жил далайг ихэд хүртэл халааж, манай гаргийн мөсөн бүрхүүлийг хайлуулсаар байсан. Энэ оны сүүлээр эхлэх төлөвтэй байгаа "Эль-Ниньо" гэж нэрлэгддэг байгалийн дулаарлын үе шат удахгүй дахин халууны дээд амжилтыг авчрах вий гэж эрдэмтэд болгоомжилж байна.
Тус тайланд хариу өгөхдөө НҮБ-ын Ерөнхий нарийн бичгийн дарга Антонио Гутерриш, улс орнуудын "уур амьсгалын аюулгүй байдал, эрчим хүчний аюулгүй байдал, үндэсний аюулгүй байдлыг хангахын тулд" хатуу түлшнээс татгалзаж, сэргээгдэх эрчим хүч рүү шилжихийг уриалж байгаагаа дахин илэрхийлэв. "Дэлхий гараг хязгаараасаа давсан ачаалал үүрч байна. Цаг уурын гол үзүүлэлт бүр улаанаар анивчиж байна" гэж тэр мөн анхааруулав.
Дэлхийн цаг уурын байгууллага (ДЦБ)-ын мэдээлснээр, сүүлийн 11 жил нь 1850 оноос хойших дэлхийн хамгийн дулаан 11 жил байжээ.
2025 онд дэлхийн агаарын дундаж температур хүн төрөлхтөн их хэмжээний хатуу түлш шатааж эхлэхээс өмнөх "аж үйлдвэржилтийн өмнөх" үеийнхээс 1.43 хэмээр өндөр байсан нь тогтоогджээ.
Л.Баяр
