Орос улс дайн эхэлснээс хойших дөрвөн жилийн хугацаанд Украинд хамгийн том хоногийн агаарын дайралт хийж, Украин даяарх хотуудад 948 нисгэгчгүй онгоцоор цохилт өглөө. Украины Агаарын цэргийн хүчин мягмар гарагт, орон нутгийн цагаар 09:00 цагаас хойш 556 нисгэгчгүй онгоц Украинд унасан бөгөөд өдрийн цагаар болсон уг халдлагуудад гурван хүн амиа алдаж, хэдэн арван хүн шархадсан гэж мэдэгдэв.

Халдлагын улмаас Львов хотын баруун хэсэгт байрлах ЮНЕСКО-гийн Дэлхийн өвийн нэг хэсэг болох 16 дугаар зууны Бернардин хийд эвдэрсэн гэж орон нутгийн албаныхан мэдэгдэв. Хөрш зэргэлдээх Ивано-Франковск мужид төрөх эмнэлэгт халдлага болжээ. Шөнөөр болсон халдлагад 392 нисгэгчгүй онгоц, 34 пуужин Украинд унасан аж.

Мягмар гаргийн орой видео мэдэгдэлдээ Украины Ерөнхийлөгч Владимир Зеленский, сүүлийн үеийн халдлагын цар хүрээ нь "Орос улс энэ дайныг үнэхээр дуусгах бодолгүй байгааг тодорхой харуулж байна" гэж мэдэгджээ. Оросын цэргийнхэн халдлагын талаар олон нийтэд тайлбар хийгээгүй байна.

Л.Баяр