Ирантай хийх дайн үргэлжлэхийн хэрээр АНУ-ын ойрын холбоотнууд болон Азийн улсууд эрчим хүчний хомсдолд орж, эдийн засгаа хөл дээр нь босгохын тулд олон эрсдэлтэй нүүр тулаад байна. 

Мягмар гарагт Филиппин улс эрчим хүчний онц байдал зарласан анхны улс боллоо. Өмнөд Солонгосын засаг захиргаа иргэддээ эрчим хүч, цахилгаанаа хэмнэхийн тулд өдрийн цагаар богино хугацаанд шүршүүрт орж, утсаа тааруулж цэнэглэхийг зөвлөж байна. Япон улс энэ долоо хоногт газрын тосны онцгой байдлын нөөцөө хамгийн том хэмжээгээр гаргах ажлаа эхлүүлэх бөгөөд өргөн хэрэглээний бараа бүтээгдэхүүний хомсдол нэмэгдэж байгаа ч ариун цэврийн цаас нөөцлөх шаардлагагүй гэж иргэддээ зөвлөжээ.

Ираны дайн түүхий нефть, байгалийн хийн чухал эх үүсвэрийг боомилсон тул дэлхийн бусад хэмнэх горимд шилжих болох. Азийн орнууд тус бүс нутгийн газрын тосны нийлүүлэлтийн 60 орчим хувийг эзэлдэг, Ойрхи Дорнодоос ихээхэн хамааралтайг дээрх үйл явдлууд харуулж байна. 

АНУ болон Израил өнгөрсөн сард Иран руу довтлосны дараа Тегеран Персийн булан болон Энэтхэгийн далайг холбосон цорын ганц далайн холбоо болох Ормузын хоолойг хааж, дэлхийн эрчим хүчний хангамжийн тавны нэгийг хязгаарлаад байна. 

Эрчим хүчний судалгааны компани болох "Wood Mackenzie" дайн үргэлжилбэл Брент маркийн газрын тосны үнэ ирэх саруудад нэг баррель нь 150 ам.доллар хүртэл өсөх боломжтой гэж таамаглаж байгаа бөгөөд энэ онд нэг баррель нь дунджаар 125 ам.долларын үнэ хүрэхэд дэлхийн эдийн засгийн хямралыг өдөөнө гэж анхааруулав.

Л.Баяр