Энэ долоо хоногт Арабын Нэгдсэн Эмират улсад баллистик пуужингийн дэлбэрэлтээс болж Пакистан, Энэтхэг иргэд нурангид дарагдан амиа алдсан тухай тус тусын элчин сайдын яамдууд Пүрэв гарагт мэдэгдэв. Энэ нь тус бүс нутаг нь Өмнөд Азийн олон тооны цагаач ажиллах хүчнээс ихээхэн хамааралтай болохыг дахин нэг удаа нотолж байна.

АНЭУ-ын Батлан ​​​​хамгаалах яамны мэдээлснээр, дайн эхэлснээс хойш Арабын Нэгдсэн Эмират улсад амиа алдсан Өмнөд Азийн иргэдийн нийт тоо зургаа болжээ. 

Энэ сарын эхээр Бахрейн улсад Бангладешийн нэг иргэн, Оманд Энэтхэгийн хоёр иргэн амиа алдсан тухай албаныхан мэдээлсэн.

Өмнөд Азийн орнуудын ажиллах хүч нь тус бүс нутгийн эдийн засгийн хөдөлгүүрийн гол хэсэг бөгөөд Персийн булангийн хөгжил цэцэглэлтэд зайлшгүй үүрэг гүйцэтгэж байна. Гэсэн хэдий ч тэдний ажиллах орчин, аюулгүй байдал цагийн цагт санаа зовоосон асуудал байв. 

Олон улсын хөдөлмөрийн байгууллагын тооцоолсноор, Арабын орнуудад 24 сая гаруй цагаач ажилчин байдаг. Тэдний олонх нь бага орлоготой ажил эрхэлдэг байна.

Л.Баяр