АНУ, Израилын Ирантай хийж буй дайн хурцадмал байгаатай холбогдуулан даваа гаргийн өглөө дэлхийн хэмжээнд газрын тосны үнэ өсч, Азид хувьцаанууд огцом уналаа.
Брент маркийн газрын тосны үнэ 3 хувиас дээш өсч, нэг баррель нь 115 ам.доллараас давсан бол АНУ-д арилжаалагдаж буй газрын тос 3.5 хувь орчим өсөж 103 ам.доллар болжээ. Брент маркийн газрын тосны сарын хамгийн өндөр өсөлттэй үе дээрээ байна.
Азийн хөрөнгийн зах зээлүүд уналттай нээгдэж, Японы Nikkei 225 индекс 4.5 хувиар, Өмнөд Солонгосын Kospi индекс 4 хувиар буурсан байна. Энэ нь Йемен дэх Ираны дэмжлэгтэй Хусит босогчид өнгөрсөн амралтын өдрүүдэд Израил руу цохилт өгснөөр мөргөлдөөнд нэгдэж, Иран их сургуулиуд болон АНУ, Израилын албан тушаалтнуудын гэрт хариу цохилт өгөхөө мэдэгдсний дараах нөхцөл байдал юм.
АНУ-ын Ерөнхийлөгч Доналд Трамп ням гарагт "Financial Times" сонинд өгсөн ярилцлагадаа "Ираны газрын тосыг булаан авч", түүний гол түлшний төв болох Харг арлыг эзэлж магадгүй гэж мэдэгджээ.
Арал дээрх Ираны хамгаалалтын талаар асуухад тэрбээр "Тэдэнд ямар ч хамгаалалт байхгүй гэж би бодож байна. Бид үүнийг маш амархан авч чадна" гэж хариулсан.
Л.Баяр
