АНУ-ын Ерөнхийлөгч Доналд Трамп "Financial Times" сонинд өгсөн ярилцлагадаа АНУ Ираны эрэг орчмын жижиг арал болох Харг арлыг эзэлнэ гэжээ.
АНУ тус арлыг онилж байгаа нь Ираны эдийн засгийн гол тулгуур болох газрын тосны томоохон терминал байрладагтай холбоотой юм. Үүнийг эзлэн авснаар Ираны газрын тосны экспортыг боомилоод зогсохгүй тэдний зүрхийг атгасантай эн дүйх юм.
Арлыг эзэлснээр Ираны Исламын хувьсгалт харуулын корпусын (IRGC) орлогын гол эх үүсвэрийг тасалдуулж, дайн явуулах чадварт нь нөлөөлнө гэж BBC-ийн Аюулгүй байдлын товч мэдээллийн аюулгүй байдлын шинжээч Майки Кэй хэлэв.
Харг арал буюу "Хориотой арал " гэгддэг бөгөөд Персийн буланд орших Ираны эх газрын арал юм. Энэ арал нь Ираны эргээс 25 километр, Ормузын хоолойгоос баруун хойд зүгт 660 километр зайд оршдог. Зэргэлдээх эргийн Бушер мужийн мэдэлд байдаг Харг арал нь Ираны газрын тосны бүтээгдэхүүний 90 хувь хүртэл экспортлох далайн боомт бөгөөд 30 сая баррель хүртэлх газрын тос хадгалах агуулахтай ажээ.
Тус арал нь Фаридун, Дариус, Кирус, Ардашир зэрэг хэд хэдэн далайн эргийн газрын тосны ордуудтай ойрхон байрладаг. Харг хот болон Жазире-ие Харк гэрэлт цамхаг нь өөрийн гэсэн цэнгэг усны нөөцтэй арал дээр оршдог. 1960-аад онд томоохон газрын тосны терминал болохоос нь өмнө Ираны зохиолч Жалал Аль-э-Ахмад уг арлыг "Персийн булангийн өнчин сувд" гэж нэрлэж байсан удаатай.
