Индонезид орон нутгийн цагаар Пүрэв гаргийн 06:48 цагт 7.4 магнитудын хүчтэй газар хөдөлжээ. АНУ-ын Геологийн судалгааны төвөөс (USGS) мэдээлснээр, анх 7.8 магнитудын хүчтэй газар хөдлөлт Молукка тэнгист, арлын төв хэсэгт болсон байна.

Индонез, Филиппин, Малайзын эрэг дагуу давалгаа үүсч болзошгүй гэж анхааруулж байгаа ч орон нутгийн эрх баригчид цунамигийн сэрэмжлүүлгийг цуцалсан байна. Арлын ойролцоох хотуудын оршин суугчид газар хөдлөлтийн дараа айдас түгшүүр, сүйрэл нүүрлэж байгааг мэдэгдэж, эрчим хүчний систем доголдсон гэжээ. 

Газар хөдлөлтийн төв нь 205 мянган гаруй хүн амтай Тернате хотоос 120 км зайд байжээ. Японы цаг уурын агентлаг мөн тус улсын эрэг дагуу "далайн түвшний бага зэрэг өөрчлөлт" гарах төлөвтэй байгааг анхааруулсан боловч цунамигийн хохирол учрахгүй гэж мэдэгджээ.

Шизуока, баруун Кагошима, Фукушима, Мияги болон зүүн Хоккайдо мужуудад далайн түвшний өөрчлөлт гарч болзошгүй гэж тус агентлаг мэдэгдэв.

Газар хөдлөлтийн голомт Индонезийн Тернате арал нь Японы хамгийн өмнөд муж болох Окинавагаас 2900 км зайд оршдог.

Л.Баяр