АНУ-ын Ерөнхийлөгч Доналд Трамп өөрийн засаг захиргааны удаан хугацааны холбоотон, тууштай хамгаалагч байсан Ерөнхий прокурор Пэм Бондиг Америкийн хууль сахиулах дээд албан тушаалаас нь чөлөөлөв.
Бондигийн шүүхийн яамыг удирдаж байсан хугацаа нь Жеффри Эпштейнтэй холбоотой файлуудыг задруулж, бэлгийн хүчирхийлэгчдийн ноцтой баримтуудыг дэлгэсэн юм.
Тэрбээр Кристи Ноемыг гуравдугаар сард Эх орны аюулгүй байдлын газрын даргын албан тушаалаас нь огцруулсны дараах Трампын засаг захиргаанаас ажлаасаа бууж байгаа хоёр дахь өндөр албан тушаалтан болж байна. Бондигийн оронд түүний хуучин орлогч Тодд Бланш түр ажиллах болно. Түүний орны хүнийг Трамп удахгүй зарлана гэжээ.
Трамп Бондигийн Ерөнхий прокурорын албан тушаалд гүйцэтгэсэн ажлыг өндрөөр үнэлж, түүнийг "манай улс даяар гэмт хэрэгтэй тэмцэх ажлыг сайн хянаж, асар их ажил хийсэн" гэж магтжээ. Гэвч Ерөнхийлөгч Бондид, ялангуяа Эпштейний баримт бичгийг зохицуулж байгаад нь улам бүр бухимдаж эхэлсэн гэж хэвлэлүүд хардаж байна.
Тэрбээр 2025 оны хоёрдугаар сард албан тушаалдаа орохдоо Эпштейний хэргийг ил болгохоо амлажээ. Хожим нь тус яам ийм жагсаалт байхгүй гэж мэдэгдээд байлаа.
Гэвч эцэст нь Эпштейнтэй холбоотой сая сая файлыг Трампын дэмжигчдийн дарамт шахалтаар, мөн Конгресс Хууль зүйн яамнаас нууц бус бүртгэлийг олон нийтэд ил болгохыг шаардсан хууль баталсны дараа дэлгэсэн байдаг.
