АНУ-ын Ерөнхийлөгч Доналд Трамп Ирантай хоёр долоо хоногийн гал зогсоох тохиролцоонд хүрсний дараа газрын тосны үнэ Мягмар гарагт огцом унасан нь удахгүй илүү олон газрын тос тээвэрлэгч хөлөг онгоцууд Ормузын хоолойгоор дамжин өнгөрөх боломжтой болно гэсэн найдварын баталгаа болж байна. 

Гэвч шинжээчид дэлхийн газрын тосны 20 орчим хувь нь дамждаг уг хоолойг үр дүнтэй хаахад юу өөрчлөгдөх, гал зогсоох нь дайныг эцэслэх эсэх асуултууд хэвээр байгааг анхааруулж байна.

АНУ-ын түүхий нефтийн үнэ 15%-иас дээш хувиар буурч, баррель нь 95 ам.доллараас доош болсон нь мэдэгдэхүйц бууралт боловч дайн эхлэхээс өмнөх хоёрдугаар сарын 27-нд байсан 67.02 ам.доллараас өндөр хэвээр байна. Дэлхийн жишиг болох Брент нефтийн фьючерс 12.88%-иар буурч, 95.12 ам.доллар болжээ.

Үүний зэрэгцээ АНУ-ын болон Азийн зах зээлүүдийн хувьцааны үнэ огцом өссөн байна. "Dow индекс"-ийн фьючерсүүд 900 гаруй пункт буюу 2%, S&P 500 индексийн фьючерсүүд 2.1%-иар, Nasdaq индексийн фьючерсүүд арилжааны дараах хугацаанд 2.5%-иар өссөн байна.

Лхагва гаргийн өглөө Японы жишиг индекс болох Nikkei 225 орон нутгийн цагаар өглөөний 10:41 цагийн байдлаар 4.9%-иар өссөн бол Өмнөд Солонгосын Kospi 5.7%-иар өссөн бол Хонконгийн Hang Seng индекс 2.8%-иар өссөн байна.

Л.Баяр