АНУ-ын Ерөнхийлөгч Доналд Трамп Иранд хоёр долоо хоногийн гал зогсоох тухай зарласнаас хойш 24 цаг орчмын дараа Израил Ливанд томоохон хэмжээний цохилт өгч, 182 хүний ​​аминд хүрээд байна. Энэ үйл явдлын дараа Изриал улс гал зогсоох хэлэлцээрт багтсан эсэх талаар маргаан дэгдэв. 

Израилын Ерөнхий сайд Бенжамин Нетаньяху эдгээр халдлагыг дайн эхэлснээс хойш Хезболла бүлэглэлд учруулсан "хамгийн том цохилт" хэмээн тодорхойлж, хэрэв шаардлагатай бол Израил Ирантай хийх тэмцлээ үргэлжлүүлнэ гэж мэдэгдэв.

Үүний зэрэгцээ, Иран улс Ливанд цохилт өгөхөө нэн даруй зогсоохгүй бол "харамсал төрүүлэх хариу арга хэмжээ" авахаа мэдэгдээд байна.

Бямба гарагт АНУ-ын дэд ерөнхийлөгч Ж.Д.Вэнс Пакистаны Исламабад хотод Ирантай хийх хэлэлцээрт оролцоно. Маргаантай гол асуудал бол дэлхийн газрын тос, түлшний хангамжид чухал үүрэг гүйцэтгэдэг Персийн булангийн далайн гарц болох Ормузын хоолойгоор дамжин өнгөрөх тээвэрлэлт байх болно.

Ираны тал зөвшөөрөлгүйгээр дамжин өнгөрсөн хөлөг онгоцуудыг сөнөөнө гэдгээ мэдэгдээд буй.

Л.Баяр