Хойд Солонгосын цэргийн хүчин Өмнөд Солонгос руу чиглэсэн цөмийн зэвсгийн хүчээ өргөжүүлэх гурван өдрийн сургуулилт хийжээ. Энэ долоо хоногт эхэлсэн уг сургуулилтад кластер бөмбөгийн цэнэгт хошуутай баллистик пуужин зэрэг шинэ зэвсгийн системүүдээ туршиж үзсэн гэнэ.

Хойд Солонгосын албан ёсны Солонгосын төв мэдээллийн агентлагийн мэдээлснээр, туршилтууд даваа гаргаас эхлэн гурван өдөр үргэлжилж, мөн агаарын довтолгооноос хамгаалах зэвсэг, цахилгаан соронзон зэвсгийн систем, нүүрстөрөгчийн шилэн бөмбөгийн туршилт болжээ. 

Өмнөд Солонгосын тал лхагва гарагт харвасан пуужингууд далайд унахаасаа өмнө 240-700 км алсаас ирж далайд унасан гэв. Түүнчлэн мягмар гарагт Хойд Солонгосын нийслэл Пхеньяны ойролцоох газраас харвасан нэг пуужинг илрүүлсэн байна. Туршилтын гол зэвсэг нь цөмийн зэвсэг тээх чадвартай Хвасон-11 баллистик пуужин бөгөөд энэ нь Оросын Искандер пуужинтай төстэй ажээ. 

            Мягмар гаргийн орой Пхеньяны Гадаад хэргийн яамны тэргүүн дэд сайд Жан Кум Чол мэдэгдэлдээ Өмнөд Солонгос үргэлж Умардын "хамгийн дайсагнасан дайсан улс" хэвээр байх болно гэжээ. 

Хойд Солонгосын удирдагч Ким Жон Ун 2019 онд Доналд Трамптай хийсэн цөмийн хэлэлцээ нь бүтэлгүйтсэнээс хойш Сөүл, Вашингтонтой хийсэн бараг бүх дипломат харилцаагаа зогсоосон байдаг. 

Ким мөн тусгаарлалтаас гарч, бүс нутгийн байр сууриа бэхжүүлэхийг эрмэлзэж байгаа тул Орос, Хятад болон АНУ-тай зөрчилдсөн бусад орнуудтай ойр дотно харилцаа тогтоохыг эрмэлзэж байна. Хойд Солонгосын төрийн хэвлэл мэдээллийн хэрэгслээр, Хятадын Гадаад хэргийн сайд Ван И хоёр улсын хоорондын дипломат харилцааны сүүлийн шатны хүрээнд Пүрэв гарагт тус улсад хоёр өдрийн айлчлал хийхээр ирнэ гэж мэдэгджээ.

Л.Баяр