Орос, Украин улсууд Ортодокс Улаан өндөгний баярын үеэр гал зогсоохоор тохиролцсоны дагуу Владимир Путин энэ амралтын өдрүүдэд цэргүүддээ бүх чиглэлд гал зогсоохыг тушаажээ.

Владимир Зеленский гал зогсоохыг удаа дараа уриалсан ч Кремль удаан хугацааны дараа ийнхүү хариу өгөв. 

Путин энэ сарын 11-ний Бямба гаргаас эхлэн орон нутгийн цагаар 16:00 цагаас (BST-ийн 14:00 цаг) Улаан өндөгний баярын ням гараг хүртэл гал зогсоох тухай зарлаад, "Украин ч мөн адил гал зогсооно гэж найдаж байна" гэжээ. Түүнчлэн тэр цэргийн хүчиндээ дайсны болзошгүй үйлдэлд бэлэн байхыг тушаажээ.

Энэ оны эхээр Орос улс өвлийн хүйтэнд Украины цахилгаан станцуудад хийсэн сүйрлийн цохилтоо зогсоож, "эрчим хүчний эвлэрэл" зарласан. Гэвч халдлагууд үргэлжилсээр буй.

Түүнчлэн өнгөрсөн тавдугаар сард Орос улс Зөвлөлтийн Нацист Германыг ялсны 80 жилийн ойг тэмдэглэн өнгөрүүлэх үеэрээ гал зогсоохоо амласан ч тухайн үед Украинд гал зогсоох дэглэмийг зөрчсөн олон зуун тохиолдол бүртгэгдсэн байдаг.

Л.Баяр