Монгол улс 2025 онд албан ёсоор Дэлхийн Интернэтийн Нийгэмлэгийн /ISOC / гишүүн болсон. Уг байгууллага нь интернэтийг хүн бүрт нээлттэй, аюулгүй, тогтвортой байлгах зорилготой олон улсын байгууллага юм. Интернэтийн нийгэмлэгийн Монгол дахь салбар буюу ISOC Chapter Mongolia –аас  “Компьютерийн сүлжээг зохион бүтээх ба нэвтрүүлэх” DDNC үндэсний сургалтыг анх удаа амжилттай зохион байгууллаа.

Уг сургалтад ерөнхий боловсролын Эрдмийн ундраа цогцолбор сургууль, Оюуны ундраа цогцолбор сургууль, 4-р сургууль, 13-р сургуулийн нийт 30 багш хамрагдав.

Мөн Нийслэлийн Боловсролын газрын төлөөлөгчид, Монголын сүлжээний операторуудын бүлгийн багш нар, Энх Тайвны Корпусын Монгол дахь сайн дурын ажилтан, Баянгол дүүргийн Боловсролын газрын төлөөлөл сургалтад оролцов. Тус сургалт 6 долоо хоногийн турш цахимаар, 5 хоног практик, дадлагаар орж багш нарын мэдлэг ур чадварыг бодитоор хөгжүүлсэн ач холбогдолтой сургалт болсныг Интернэтийн нийгэмлэгийн Монгол дахь салбарын гүйцэтгэх захирал Т.Жаргалсайхан онцоллоо.