ОХУ-ын оюутнууд  олон улсын хэвлэлүүдэд гомдол бүхий захидал, мэдээллүүдийг ирүүлсээр байгаа тухай CNN агентлаг онцолжээ. Тэдний ирүүлсэн нотлох баримтууд нь Орос улс оюутнуудыг нисгэгчгүй онгоцны хүчиндээ татан оруулах, шахах кампанит ажлыг чимээгүйхэн өргөжүүлж байгааг харуулж байна.

Энэ нь Оросын боловсролын системд хурцадмал байдал үүсгэх эрсдэлтэй бөгөөд Украинд дөрвөн жил үргэлжилж буй дайнд ОХУ-ын уналтыг харуулж байна шинжээчид үзэж байна. ОХУ-ын тал 2022 оны намар хэдэн зуун мянган эрчүүдээ улс орноосоо зугтахад хүргэсэн аймшигт дайчлалаа давтахаас зайлсхийж байгаа. Гэхдээ оюутнуудад чиглэсэн энэхүү кампанит ажил нь илүү түрэмгий цэрэгт элсүүлэх тактик бий болсныг батлаж байна.

Тодруулбал, армиас оюутнуудад нэг жилийн хугацаатай гэрээ, фронтын шугамаас хол алба хаах боломж, өндөр технологийн ур чадвар эзэмших боломжийг амлаж байгаа сурагтай. Шинжээчид болон хуульчлын үзэж буйгаа олон оюутнууд амласан урамшуулалд эргэлзэж байгаа тул их сургуулиуд оюутнуудыг элсэхэд ятгахын тулд албадлага, заналхийлэл ашиглаж байж болзошгүй байна.

Орос даяарх их дээд сургуулиуд олон нийтийн мэдээллийн хэрэгсэл цэрэгт элсүүлэх видео бичлэг, зурагт хуудсаар дүүрэн байна. Зарим их сургуулийн олон нийтийн мэдээллийн хэрэгслээр Оросын "тусгай цэргийн ажиллагаа" буюу SMO-д ахмад дайчид суртал ухуулгын лекц унших болжээ. 

Оюутнуудад дайны ажиллагаанд зайнаас оролцсоных нь төлөө их хэмжээний мөнгөн урамшуулал амлаж буй гэнэ. Бүртгэлийн урамшуулал тус бүр 400 мянган рубль буюу 5000 ам.доллараас багагүй байгаа аж. Зарим их дээд сургуулиуд үүнээс хамаагүй өндөр цалин авч байна. Санкт-Петербургийн Улсын Их Сургууль цэргийн албанд элсэгчдэд нэг удаагийн 56 мянган ам.долларын тэтгэмж, жилийн үндсэн цалин 70 мянган ам.доллар орчим байхаар амлажээ.

Л.Баяр