Английн Хаан Чарльз III болон хатан хаан Камилла нар энэ сард АНУ-д хийх төрийн айлчлалынхаа үеэр бэлгийн хүчирхийлэгч гэгдээд буй Жеффри Эпштейнээс болж амь хохирсон хүмүүсийн ар гэр, амьд байгаа хохирогч нартай уулзахгүй гэж Букингемийн ордны эх сурвалж баталжээ.

Гэхдээ тэд дөрөвдүгээр сарын 27-30-ны хооронд болох уг айлчлалын үеэр гэр бүлийн хүчирхийлэл, эмэгтэйчүүдийн эсрэг хүчирхийллийн эсрэг кампанит ажил явуулж буй бүлгүүдийн төлөөлөгчидтэй уулзах төлөвтэй байна.

Ираны дайны улмаас Их Британи, АНУ-ын хооронд хурцадмал харилцаа үүссэн үед болж буй уг айлчлал олон нийтийн анхаарлын төвд байгаа.

Хаан, хатан хаан хоёр Вашингтон хотод газардах бөгөөд хоёр өдрийн турш цайны үдэшлэг, цэцэрлэгт хүрээлэнгийн үдэшлэг, цэргийн ёслолын жагсаал болно. Хаан, Трамп нар хувийн уулзалт хийж, ерөнхийлөгч Цагаан ордонд төрийн оройн зоог барих ажээ. Мөн Вашингтонд байх хугацаандаа Конгресст үг хэлэх бөгөөд энэ нь айлчлалын дипломат үйл явдлын онцлох мөч байх болно. Нью-Йорк хотод болох арга хэмжээний хүрээнд 9/11-ийн дурсгалын цогцолборт зочилно. АНУ-аас явсныхаа дараа Их Британи руу буцахаасаа өмнө Бермудын арлууд руу айлчилна.

Түүний төрсөн ах Эндрю Маунтбаттен-Виндзорын Жеффри Эпштейний хэрэгт холбоотой гэх дуулианы дараа АНУ-ын Конгрессын гишүүн Ро Ханна хааны гэр бүлийг Эпштейний хохирогчидтой уулзахыг уриалсан. Үүнд АНУ-ын Конгрессын гишүүн Ро Ханна, Эпштейний хэргээс амьд үлдсэн Лиза Филлипс, талийгаач Виржиниа Жиуффрийн гэр бүл багтаж байна.

Л.Баяр