Ираны албаныхан болон Пакистаны армийн командлагч Асим Мунир нар Пүрэв гарагт Тегеранд уулзалт хийж, Пакистанд ням гарагт болсон хэлэлцээрийн талаар ярилцах ажээ. Ажиглагчдын үзэж буйгаар тэр АНУ-ын өгсөн мессежийг дамжуулах зорилготой тэнд очиж байж магадгүй.

АНУ болон Ираны хоорондох гол зуучлагч Мунир лхагва гарагт Тегеранд айлчилж, Ираны Гадаад хэргийн сайд Аббас Арагчитай уулзжээ. Мунир тэргүүтэй Пакистаны төлөөлөгчид Вашингтоноос ирсэн мессежийг авч явсан гэж Пакистаны хэвлэлүүд баталж байна.

Сүүлийн үеийн мэдээгээр, Трампын засаг захиргаа Ирантай "хэлэлцээр хийх хэтийн төлөвт" итгэлтэй байгаа гэж Цагаан ордон мэдэгдээд, хоёр дахь шатны хэлэлцээр Пакистанд болохыг онцлоод байна. Ираны гадаад хэргийн сайд гол зуучлагч болох Пакистаны цэргийн даргатай уулзсаныхаа дараа энх тайвны талд бодолтой байгаагаа ярьжээ. 

Хэрэв АНУ Ираны боомтуудыг хаасан хэвээр байвал Ираны цэргийнхэн Улаан тэнгист тээвэрлэлт хийхээ болино гэж сүрдүүлэв. АНУ-ын Төв командлалын газраас уг хориг нь Тегераны эдийн засгийн далайн худалдааг "бүрэн зогсоосон" гэж мэдэгдсэн бол Ираны хэвлэл мэдээллийн хэрэгслүүд тус улс руу болон тус улсаас дөрвөн хөлөг онгоц явж, буцаж ирсэн тухай мэдээлэв.

Түүнчлэн энэ зуур Изриал болон Ливан улсууд 33 дараа анх удаа шууд хэлэлцээр хийж гал зогсоох тохиролцоонд хүрэв.

Л.Баяр