АНУ-ын Луизиана мужид болсон өсвөр насны охины амь насыг хохироосон хэрэгтэй холбоотойгоор рэппер D4vd буюу Дэвид Энтони Буркийг баривчилсан талаар албаныхан мэдээллээ. TikTok од Селеста Ривас Эрнандезийн цогцос есдүгээр сард түүний Тесла машинаас олдсон юм. 

Мөрдөн шалгах байгууллагын мэдээлснээр 18 настай охины цогцос олдсоны дараа хэрэгт холбогдох боломжтой этгээдүүдийг шалгаж эхэлсэн бөгөөд уг ажиллагааны хүрээнд Дэвид Энтони Буркийг сэжигтнээр саатуулсан байна. Түүнийг охинтой ямар харилцаатай байсан, хэрэг гарах үед хаана байсан зэрэг нөхцөл байдлыг нарийвчлан шалгаж байгаа аж.

Албаныхны хэлснээр уг хэрэг нь эхэндээ алга болсон хүний хэрэг байдлаар бүртгэгдсэн боловч цогцос олдсоны дараа хүний амь насыг хохироосон хэрэг болгон мөрдөн шалгах ажиллагааг өргөжүүлжээ.

Цагдаагийн байгууллагаас одоогоор хэргийн талаар дэлгэрэнгүй мэдээлэл өгөхөөс татгалзаж байгаа бөгөөд нотлох баримт цуглуулах ажиллагаа үргэлжилж байна. Мөн шүүхийн эцсийн шийдвэр гараагүй тул сэжигтнийг гэм буруутайд тооцох боломжгүйг онцолсон байна.

Энэхүү хэрэг нь олон нийтийн анхаарлыг ихээр татаж, сошиал орчинд өргөн хэлэлцэгдэж байгаа бөгөөд мөрдөн шалгах ажиллагаа цаашид хэрхэн өрнөх нь олны анхаарлын төвд байна.

Л.Баяр