Их Британийн ханхүү Уэльсийн хунтайж Уильям, гүнж Кэтрин нар гэрлэлтийн 15 жилийн ойгоо тохиолдуулан гурван хүүхдийнхээ хамт авахуулсан гэр бүлийн шинэ зургаа олон нийтэд хуваалцлаа.

Тус зурагт хосууд хүү Prince George, охин Princess Charlotte, бага хүү Prince Louis нарын хамт зүлгэн дээр тухлан хэвтэж буй, илүү энгийн, дулаан уур амьсгалтай байдлаар дүрслэгдсэн байна. Зурагт гэр бүлийн гишүүд бүгд энгийн хувцастай, зуны өнгө аястай харагдаж байгаа нь анхаарал татжээ.

“Гэрлэсний 15 жилийг тэмдэглэж байна” хэмээн тэдний албан ёсны сошиал хуудсанд нийтэлсэн тайлбарт дурдсан байна.

Хунтайж Уильям, гүнж Кейт нар 2011 оны дөрөвдүгээр сарын 29-нд Лондон хотын Westminster Abbey сүмд хуримаа хийж байсан бөгөөд тухайн үед дэлхий даяар олон сая хүн уг ёслолыг үзэж, баяр хүргэж байв.

Тэдний анхны хүүхэд хунтайж Жорж 2013 онд, гүнж Шарлотт 2015 онд, хунтайж Луис 2018 онд төрсөн бөгөөд одоогоор Британийн хаан ширээ залгамжлах дараалалд багтдаг байна. Энэ удаагийн зураг нь хааны гэр бүлийн уламжлалт албан ёсны хөргөөс ялгаатайгаар илүү энгийн, бодит амьдралд ойр дүр төрхийг харуулсан нь онцлог болж байна.

Л.Баяр