АНУ-ын Ерөнхийлөгч Доналд Трамп даваа гарагт Цагаан ордны Зүүн танхимд үг хэлэв. Тэрбээр Ирантай холбоотой олон зүйлийг дурдаж, тэр дундаа дайн удахгүй дуусах гэж байгаа болон уг дайнд АНУ ялалт байгуулж байгаа гэх яриануудаа дахин нэг удаа ярьлаа. 

АНУ Ормузын хоолойг хяналтдаа авсан цэргийн хоригоо зогсоосон нь Пакистаны зуучилсан мөргөлдөөнийг зогсоох дипломат оролдлого амьд хэвээр байгаад итгэх итгэлийг нэмэгдүүлж байна. Даваа гарагт Ормузын хоолойн бүсэд АНУ болон Ираны цэргийн хүчнүүдийн хооронд буудалцаан болсон ч дайн дахин сэргэж өргөжөөгүй нь аль аль тал мөргөлдөөнийг хурцатгахыг хүсэхгүй байгаа илрэл болов. 

АНУ-ын Төрийн нарийн бичгийн дарга М.Рубио сэтгүүлчдэд мэдээлэл өгөхдөө, “Operation Epic Fury” нэртэй томоохон цэргийн ажиллагаа дууссан гэж мэдэгдсэн нь хурцадмал байдал намжих найдлагыг улам нэмэгдүүллээ.

Мөн Трамп ирэх долоо хоногт БНХАУ айлчлахаар төлөвлөж байгаа нь санамсаргүй давхцал биш байж магадгүй. Түүний хоёр дахь бүрэн эрхийн хугацаандаа хийж буй хамгийн чухал айлчлал гэгдэж буй уг уулзалтын үеэр чухал тохироо болно гэж ажиглагчид үзэж байна. Учир нь БНХАУ нь Ираны холбоотон бөгөөд тус хоолойгоор дамжин өнгөрөх газрын тосны урсгал саарснаас болж эдийн засаг, эрчим хүчний бүрэн налтад ороод буй. Тиймээс уг айчлал ач холбогдол өндөртэй, олон улсын хараанл байна. 

Одоогийн байдлаар Ираны хатуу чиг баримтлагч удирдагчид нөхцөл байдлыг гартаа авч, цөмийн хөтөлбөрөө зогсоохыг зөвшөөрөөгүй хэвээр байна. Мөн тус улс Ормузын хоолойг хааж, дэлхийн эдийн засгийг барьцаанд оруулсан байдалтай байгаа бөгөөд өөрсдийгөө давуу байр сууринд байна гэж үзэж буй гол шалтгаан нь энэ юм. 

Л.Баяр