АНУ-ын Ерөнхийлөгч Дональд Трамп болон Израилын Ерөнхий сайд Биньямин Нетаньяху нар Ирантай холбоотой шинэ энхийн төлөвлөгөөний хүрээнд утсаар ярилцсан бөгөөд яриа нь хурцадмал, маргаантай өнгө аястай болсон гэж эх сурвалжууд мэдээлжээ.
Тус яриа нь Катар, Пакистан зэрэг орнуудын зуучлалаар боловсруулсан шинэ “энхийн санал”-тай холбоотой байсан бөгөөд уг санал нь Иран болон АНУ-ын хооронд үргэлжилж буй зөрчлийг намжаах зорилготой байв. Төлөвлөгөөний хүрээнд Иран цөмийн хөтөлбөртэй холбоотой тодорхой үүрэг амлалт өгөх, харин АНУ Иранд царцаасан хөрөнгийг үе шаттайгаар суллах зэрэг асуудлууд багтжээ.
Гэвч Нетаньяху уг саналд хүчтэй эргэлзэж, Ираны цөмийн хөтөлбөрийг бүрэн зогсоохгүй бол аливаа хэлэлцээр үр дүнгүй гэж үзэж байгаагаа илэрхийлсэн байна. Тэрбээр Ираны эсрэг илүү хатуу цэргийн арга хэмжээ авах байр сууриа дахин давтжээ.
Харин Трамп дипломат замаар асуудлыг шийдэх боломж байгааг онцолж, хэрэв Иран илүү уян хатан байр суурь гаргахгүй бол цэргийн ажиллагаа дахин эхлүүлэх хувилбар ч яригдаж болохыг анхааруулсан байна.
Эх сурвалжуудын хэлснээр, ярианы дараа талуудын байр суурь илүү зөрчилтэй болсон ч Трамп Нетаньяхутай харилцаа хэвийн, хамтын ойлголцолтой гэж олон нийтэд мэдэгдсэн байна.
Л.Баяр
