АНУ-ын нийслэл Вашингтон хотод байрлах Цагаан ордны орчимд буудалцаан гарч, нэг сэжигтэн амь үрэгдэж, нэг энгийн иргэн шархадсан хэрэг гарлаа.

Орон нутгийн цагаар 2026 оны тавдугаар сарын 23-ны орой Цагаан ордны ойролцоох аюулгүй байдлын шалган нэвтрүүлэх цэг дээр нэг эрэгтэй гал нээсэн байна. Үүний дараа АНУ-ын Нууц албаны ажилтнууд шуурхай хариу арга хэмжээ авч, сөрөг гал нээж, сэжигтнийг газар дээр нь хөнөөжээ.

Албаныхны мэдээлснээр, уг сэжигтэн нь галт зэвсгээ цүнхнээсээ гаргаж, хамгаалалтын цэг рүү чиглэн буудаж эхэлсэн бөгөөд хамгаалалтынхан хэдхэн хормын дотор хариу үйлдэл үзүүлсэн байна.

Хэргийг шалгах явцад нэг иргэн буудлагад өртөж шархадсан бөгөөд тухайн сум сэжигтнээс эсвэл хамгаалалтынхнаас гарсан эсэх нь одоогоор тодорхойгүй байна. Уг хэрэг гарсан даруйд Цагаан ордон түр хугацаанд хаагдаж, ойр орчмын аюулгүй байдлыг чангатгасан байна. Ерөнхийлөгч Доналд Трамп тухайн үед Цагаан ордонд байсан ч гэмтэл аваагүй гэж мэдээлжээ.

Сэжигтэн нь 21 настай эрэгтэй байсан бөгөөд өмнө нь Цагаан ордны орчимд хууль бус нэвтрэх оролдлого хийж байсан, мөн сэтгэцийн эрүүл мэндийн асуудалтай байж болзошгүй талаар мэдээлэл гарсан байна. Холбооны Мөрдөн Байцаах Товчоо болон Нууц алба уг хэргийн шалтгаан, нөхцөлийг үргэлжлүүлэн шалгаж байгаа аж.

Л.Баяр