Италийн Дээд шүүх ресторан болон зочид буудлууд үйлчлүүлэгчдэд цоргоны ус үнэгүй өгөх хууль ёсны үүрэггүй болохыг баталгаажуулсан шийдвэр гаргалаа. Энэхүү шийдвэр нь тус улсад усны үйлчилгээтэй холбоотой маргаанд цэг тавьж байгаа гэж үзэж байна.

Энэ 2019 онд Италийн Доломитийн бүсэд байрлах таван одтой зочид буудалд болсон үйл явдлаас үүдэлтэй юм. Тухайн үед нэгэн жуулчин хоолны үеэр цоргоны ус хүсэхэд буудлын ажилтнууд татгалзаж, оронд нь 7 еврогийн үнэтэй савласан ус санал болгожээ.

Жуулчин уг шийдвэрийг эсэргүүцэн шүүхэд хандаж, ойролцоогоор 2700 еврогийн нөхөн төлбөр нэхэмжилсэн байна. Гэвч Италийн шүүхийн бүх шатны байгууллагууд түүний нэхэмжлэлийг няцааж, эцэст нь Дээд шүүх мөн адил зочид буудлын талд шийдвэр гаргасан байна.

Шүүхийн шийдвэрт дурдсанаар, Италийн одоогийн хууль тогтоомжид ресторан, зочид буудлууд үйлчлүүлэгчдэд цоргоны ус заавал үнэгүй өгөх тухай заалт байхгүй тул энэ нь тухайн үйлчилгээний байгууллагын өөрийн бодлогоос хамаарна гэжээ.

Ингэснээр Италид зочид буудал, ресторанууд цоргоны ус үнэгүй өгөх үүрэггүй нь албан ёсоор батлагдлаа. Гэсэн хэдий ч олон нийтийн усан оргилуур болон нийтийн усны цэгүүдээр дамжуулан иргэд, жуулчид ундны усаа үнэгүй авах боломжтой хэвээр байна. Европын зарим орнуудтай харьцуулахад ялгаатай нь, тухайлбал Франц, Испанид тодорхой нөхцөлд үнэгүй ус өгөх зохицуулалт байдаг бол Итали ийм хуульчилсан шаардлага тавьдаггүй бйана. 

Л.Баяр