1xBet-ийн албан ёсны хамтрагч The MongolZ баг хэсгийн шатнаас шалгаран, 2,000,000 ам.долларын шагналын сантай Esports World Cup 2026 тэмцээний хасагдах шатанд өрсөлдөхөөр боллоо. Энэхүү амжилтад багийн шинэ гишүүн DarkMeister томоохон үүрэг гүйцэтгэсэн юм. Тэрбээр хөгжөөн дэмжигчдэд зориулсан онцгой ярилцлагадаа The MongolZ багаас санал авах үеийн сэтгэгдэл, багтаа хэрхэн дасан зохицсон, шинэ улирлын зорилго болон өөрийн үлгэр жишээ авдаг Counter-Strike-ын шүтээнүүдийнхээ талаар хуваалцлаа.

The MongolZ баг залуу авьяастнуудыг нээн хөгжүүлж чаддаг гэдгээ харуулсаар ирсэн бөгөөд Senzu, mzinho 910 нарыг улсынхаа жижиг багийн ирээдүйтэй тоглогчдоос дэлхийн хэмжээний одод болоход нь тусалсан түүхтэй.

Одоо харин дараагийн үеийн ээлж иржээ. Саяхныг хүртэл FACEIT болон Premier дээр 5v5 тоглож байсан DarkMeister карьерынхаа хамгийн том саналыг аваад "Эхэндээ үүндээ бүрэн итгэж ч чадаагүй" хэмээн дурссан бөгөөд өдгөө Paris Expo Porte de Versailles-ийн тайзнаа улсынхаа нэрийг төлөөлөн дэлхийн шилдгүүдийн эсрэг өрсөлдөж байна. Тэрбээр хэсгийн шийдвэрлэх тоглолтод 1.19 рейтинг үзүүлж, багтаа түргэн дасан зохицсоноо харуулсан бөгөөд "Мэдэхгүй, чадахгүй зүйл гарахад багийнхаа нөхдөөс шууд л асуудаг нь дасан зохицоход маш их тусалсан" хэмээн онцоллоо.

"Энэ улирлын бидний гол зорилго бол нягт, хүчирхэг баг болох явдал юм. Хоёр шинэ тоглогчтой болсон тул үндсэндээ бүхнийг шинээр эхлүүлж, хамтдаа босгож байна" гэж DarkMeister өгүүлэв. Бүрэлдэхүүн өөрчлөгдсөн ч Азийн шилдэг баг өөрийн түрэмгий, өндөр хурдтай тоглолтын үндсэн хэв маягаа хадгалж үлдсэнээс гадна шинэ тоглогчидтой холбоотойгоор Inferno-г илүүтэй сонгож, хувийн ур чадвараараа илүүрхэхэд бэлэн байгаагаа харуулж байна. Мэдээж залуу тоглогчдын хувьд сандрал болон туршлага дутах нь гол саад байж болох ч сэтгэл зүйгээ удирдаж чадвал өмнөх жилийн аварга цолоо хамгаалах бүрэн боломж бий.

DarkMeister анх тоглож эхлэхдээ Major-ын хоёр удаагийн аварга olofmeister-аас үлгэр жишээ авдаг байсан бол цаг хугацааны эрхээр s1mple-ийг бүх цаг үеийн шилдэг (GOAT) тоглогч гэдгийг ойлгосон тухайгаа хуваалцжээ. Түүний шүтээнүүд өнөөдөр энэ тэмцээнд өрсөлдөөгүй байгаа бөгөөд өөрөө тэдний оронд дэлхийн хамгийн том тайзнаа тоглож байгаа нь хичээл зүтгэл хүсэл мөрөөдлийг бодит болгодог гайхалтай жишээ юм. Ярилцлагынхаа төгсгөлд залуу тоглогч "Биднийг дэмждэг бүх хүмүүстээ баярлалаа. Бид хичээнгүйлэн ажиллаж, бүх хүчээ дайчлах болно" хэмээн нийт шүтэн бишрэгчдэдээ хандан талархал илэрхийллээ.