БАРИМТ 1

Түүнийг Сайнбаярын Жавхлан гэдэг. 

БАРИМТ 2

"Алдар" спорт хороо, ЗХ-326 анги, Монкен ХХК, Булган дэвжээний бөх.

БАРИМТ 3

Булган аймгийн Хангал сумын уугуул. 

БАРИМТ 4

Биеийн өндөр 186 см, биеийн жин 112 кг. 

БАРИМТ 5

2020 онд Сумын начин, 2022 онд Сумын заан болж, 2025 онд цолоо баталжээ. Сумын начин цолоо Хангал сумандаа, Сумын заан цолоо Орхон аймгийн Баян-Өндөрт авчээ. Улмаар уугуул нутагтаа цолоо баталсан байна. 

БАРИМТ 6

Тэрбээр 2025 оны Булган аймгийн баяр наадамд тав даван Аймгийн начин цолонд хүрсэн. 

БАРИМТ 7

Улмаар өнөө жил Булган аймгийнхаа баяр наадамд долоо даван түрүүлж, Аймгийн арслан цолонд хүрээд байгаа юм. Түрүүлэхдээ тэр гурвын даваанд Аймгийн начин Б.Бэх-Очирыг, дөрвийн даваанд Аймгийн хурц арслан Ө.Сүхбатыг, тавын даваанд Аймгийн харцага Д.Пүрэвдорж, зургаагийн даваанд Сумын заан О.Дэлгэрпүрэв, долоогийн даваанд Аймгийн заан Д.Пүрэвдоржийг тус тус давжээ. 

БАРИМТ 8

Тэрбээр сумын цолтой болон залуу бөхчүүдийн ээлжит барилдаанд нэг удаа тав, нэг удаа зургаа давжээ. 

БАРИМТ 9

С.Жавхлан нь улс, аймгийн цолтны барилдаанд энэ онд дөрвөн удаа гурав давжээ. Тодруулбал, тавдугаар сард Монголын Үндэсний Ардчилсан Нам байгуулагдсаны 20 жилийн ойд зориулсан барилдаанд гурав давж, дөрвийн даваанд Улсын арслан Ц.Бямба-Отгонд унажээ. Зургадугаар сард Нийслэлийн иргэдийн баяр - Хүрээ цам даншиг наадамд гурав даваад Улсын заан Б.Бат-Мөнхөд унасан. Долдугаар сард Эрдэнэт хот байгуулагдсаны түүхт 50 жилийн ойн баяр наадамд гурав даваанд Улсын арслан Э.Батмагнайд унасан. Есдүгээр сард Монгол улсад барилгын салбар үүсэж хөгжсөний 100 жилийн ойд зориулсан барилдаанд гурав даваад Улсын арслан Б.Бат-Өлзийд унажээ. 

БАРИМТ 10

Тэрбээр шинэхэн аймгийн арслан цолоо мялааж Бөхийн өргөөний анхны түрүүгээ хүртлээ. Түрүүлэхдээ гурвын даваанд Цэргийн начин А.Дорждэрэмийг, дөрвийн даваанд Аймгийн арслан Х.Чойжилсүрэнг, тавын даваанд Аймгийн харцага Б.Ренчиндоржийг, зургаагийн даваанд Аймгийн арслан Б.Түвшинтөгсийг, долоогийн даваанд Аймгийн арслан М.Баяржавхланг, наймын даваанд Аймгийн хурц арсдан Ц.Төмөрцоожийг тус тус хаяжээ. 

БАРИМТ 11

Спортын угаан гавъяат мастер, Дархан Аварга Б.Түвдэндорж аваргын удмын бөх.

БАРИМТ 12

Түүний төрсөн нутаг Хангал сумаас хоёр улсын цолтон мэндэлжээ. Тодруулбал, Дархан аварга Б.Түвдэндорж, Улсын заан С.Гүржав нар юм. 

Аймгийн цолтой бөхчүүдийн намрын нээлтийн барилдаанд Булган аймгийн Хангал сумын харьяат Аймгийн шинэхэн арслан Сайнбаярын Жавхлан түрүүллээ. Түүний талаарх сонирхолтой баримтуудыг хүргэж байна.