Холливудын дэлгэцэнд, дэлхийн сая сая үзэгчийн өмнө өсч торнисон авьяаслаг жүжигчин Аманда Сейфридийн сонирхолтой ярилцлагыг хүргэж байна. Тэр “Dear John”, “Mamma Mia”, “Letters to Juliet” зэрэг box office-ыг тэргүүлэгч, Холливудын шилдэг киноны гол дүрийг бүтээсэн. Бас ихэвчлэн уянгын, романтик дүрийг гаргадаг жүжигчин бүсгүй маань дуучин, жүжигчин Жастин Тимберлэйктэй хамтран “In Time” кинонд тоглож, хурц, зоримог төрхөө үзэгчдэд харуулж чадсан.

    Холливудын дэлгэцэнд, дэлхийн сая сая үзэгчийн өмнө өсч торнисон авьяаслаг жүжигчин Аманда Сейфридийн сонирхолтой ярилцлагыг хүргэж байна. Тэр “Dear John”, “Mamma Mia”, “Letters to Juliet” зэрэг box office-ыг тэргүүлэгч, Холливудын шилдэг киноны гол дүрийг бүтээсэн. Бас ихэвчлэн уянгын, романтик дүрийг гаргадаг жүжигчин бүсгүй маань дуучин, жүжигчин Жастин Тимберлэйктэй хамтран “In Time” кинонд тоглож, хурц, зоримог төрхөө үзэгчдэд харуулж чадсан.

    -Та хамгийн сүүлд “Red Riding Hood” кинононд тоглосон. Шидэд үлгэрээс сэдэвлэн бүтээсэн энэ кинонд тоглоход чамд ямар мэдрэмж төрсөн бэ?

    -Ерөнхийдөө мэргэжлийн үндсэн элементүүдээс бага зэрэг өөр. Чоно ярих гэх мэт үлгэрийн зүйл их. Бид шидэт үлгэрийг орчин үетэй холбохыг зорьсон. Кинонд дундад зууны үеийг тусгасан. Маш романтик, готик маягийн кино болсон.

-Энэ кино үнэхээр гоё санагдсан. Бусдаас өөр, этгээд гэмээр. Та ер нь хүүхэд байхдаа шидэт үлгэрт дуртай байсан уу?

-Үнэхээр дуртай байсан. Ялангуяа “The Stinky Cheese Man” гэдэг номонд. Ингэж л номонд дуртай болсон. Уг нь би жоохон байхдаа шидэт үлгэрт дургүй байсан юм. Харин би үргэлж кино үзэх дуртай байсан. Фантастик киног их сонирхдог байсан. 1996 оны “Romeo + Juliet” миний сэтгэлийг эзэмдэж байсан шүү. Тэгэхэд би 11 настай байсан.

-Та Баз Лурманы найруулж, Леонардо ДиКаприогийн тоглосон хувилбарыг хэлж байна уу?

-Тийм ээ. Наснаасаа ч олон үзсэн. Би үзэхгүй байж чаддаггүй юм. Леонардо ДиКаприо бол миний ганц хайртай жүжигчин минь байсан. Энэ кино надад маш их нөлөөлсөн. Үнэхээр гайхалтай. Гэгээлэг. Хурц, хүчтэй. Хайрын түүхийг гаргаж ирсэн нь, киноны дуу нь гээд л...

-Хүмүүс “Red Riding Hood”, “Twilight” хоёрыг их харьцуулдаг. Танд ямар санагддаг вэ?

-Миний бодлоор энэ хоёр киног харьцуулна гэдэг их хэцүү. Яагаад гэвэл “Red Riding Hood” бол маш өөр кино. Яахав, энд хайрын гурвалжингийн түүх гардаг нь Кристен Стьюарт болон тэдний залуустай харьцуулах сэдэв болж магадгүй юм. Гэхдээ бид маш олон өөр элемент гаргасан. Энэ кинон дээрх чоныг хэн ч мэдэхгүй. Түүхэн он цагийг орчин үед буулгасан болохоор маш олон зүйл нэмэх шаардлагатай болсон.

-Энэ бол эрх чөлөөт орон. Гэхдээ бидний хувьд хаанаас эхэлсэн нь сайн ур чадвар эзэмших гол хүчин зүйл болдог. Та Пеннсильванияд өссөн байх аа?

-Тийм ээ, Эллентаунд.

-Хэр том бэ?

-Пиллитэй ойрхон. Пеннсильваниягийн гуравдахь том хот.

-Урлагт хэр ойр өссөн бэ. Юу танд нөлөөлдөг байв?

-Бага байхдаа урлагийн сургуульд сурдаг байсан. Балетын хичээл үздэг байсан. Бас кикболл тоглодог байсан юм. Ер нь их эрч хүчтэй, юм бүхнийг сонирхдог хүүхэд байсан. 10, 12 настай байхдаа дуулдаг байлаа. Тэр үед үнэхээр дуунд татагдаж байсан шүү. Гэвч мэдээж орхисон.

-Тийм шүү. Таны дуулах чадварыг кинон дээрээс анзаарсан. Би “Мамма Миа”-д дуртай. Харин таны сонирхлыг илүү бүтээлч, уран сайханч байлгахын тулд эцэг, эх чинь хэр дэмжлэг үзүүлдэг байсан бэ?

-Тэгэлгүй яах вэ. Тэд үнэхээр дуртай. Миний бодлоор эцэг эх маань хамгийн cool нь. Тэд маань намайг аз жаргалтай байхад дуртай. Тэд хоёулаа ажилтай. Гэхдээ надад хангалттай цаг гаргадаг. Үнэндээ би академик ч юмуу эсвэл спортод зориулагдсан хүн биш байх. Харин аав, ээж минь миний дуртай зүйлийг минь дэмждэг байсан.

-Эцэг, эхэд чинь таны сонирхож байгаа зүйл чинь таалагддаг байсан гэж боддог уу. Учир нь та их алдартай, бас их нээлттэй хүүхэд байсан.

-Харин би тийм ч нээлттэй байгаагүй. Би үнэхээр ичимхий хүүхэд байсан. Тайзан дээр гарах хүртлээ би үргэлж толгойгоо доошлуулаад, гутлаа ширтээд л явдаг хүүхэд байсан. Ээж минь одоо хүртэл шоолдог юм.

-Би таныг хүзүүний асуудалтай болчихоогүйд баярлаж байна шүү. Үнэхээр шүү. Нээрэн, би таны эгчийг хамтлагтай гэж уншиж байсан юм байна?

-Тийм ээ. Тэр Лос-Анжелес руу шилжихээсээ өмнө хамтлагтай байсан. “Love City” гээд punk хамтлагтай байсан. Би тэдний тоглолтыг нэг л удаа үзэж байсан. Хэрэв чи punk сонсдог бол тэд муугүй хамтлаг шүү.

-Тэгэхээр хөгжмийн авьяас танай гэр бүлийнхэнд байдаг л байх нь?

-Хөгжим бол зөвхөн бидний сонирхож байсан зүйл. Хүүхэд байхдаа төгөлдөр хуурын хичээл заалгадаг байсан. Энэ бол эцэг, эхийн минь хүсэл байсан.

-Төгөлдөр хуураас өөр хөгжим тоглодог уу? Гитар ч юм уу?

-Гитар тоглодог. Надад төгөлдөр хуур, хийл хөгжим байдаг. Гэхдээ үүнийг тоглодог үгүйгээ хэлмээргүй байна. Ямар ч байсан байдаг. (инээв)