Линдсей Лохан багаасаа алдар нэрд хүрсэн, зугаа цэнгэлд дуртай, халуухан хэргийн эзэн болж олны анхаарлын төвд байдаг нэгэн. Түүний стиль, жүжигчний мэргэжил, эцэг эхийн харилцааны тухай ярьсан ярилцлагыг хүргэе.

    Линдсей Лохан багаасаа алдар нэрд хүрсэн, зугаа цэнгэлд дуртай, халуухан хэргийн эзэн болж олны анхаарлын төвд байдаг нэгэн. Түүний стиль, жүжигчний мэргэжил, эцэг эхийн харилцааны тухай ярьсан ярилцлагыг хүргэе.

-Та өөрийгөө насанд хүрсэн хүн шиг үү үздэг үү, эсвэл зарим талаасаа хүүхэд шиг санадаг үү?

-Ер нь бол аль аль нь. Би том хүмүүсийн амьдралд эрт орж, 24 нас хүрэхэд маш их юм үзсэн, бүр дэндүү их үзсэн ч байж мэднэ. Би өсвөр насандаа Лос-Анжелес хотод ирсэн шүү дээ. Ганцаараа, гэхдээ маш их алдар нэртэй бас мөнгөтэй байсан. Заримдаа намайг тийм ч сайхан сэтгэлтэй хүмүүс хүрээлж байгаагүй. Тэд анх хайртай гэж итгүүлдэг... Тэдэнтэй дотно яриа өрнүүлсний дараа миний ярьсан бүхэн шар сонингуудад гарчихдаг байсан.

Би  их сониуч хүн л дээ. Үргэлж шинэ зүйлийг туршина, заримдаа ч  биеэ авч явах байдал минь ч үгээр хэлэхийн аргагүй байдаг байлаа. Гэхдээ энэ бүхэн байгаагүй бол би хариуцлага гэдэг зүйлийг хэзээ ч ухаарахгүй байсан байх. Хүмүүс алдаан дээрээ суралцдаг шүү дээ. Гэхдээ миний сэтгэлийн гүнд жаахан охин хэвээрээ байгаа гэж боддог... тэгэж найдаж байна.

-Танд багын найзууд үлдсэн үү?

-Мэдээж байгаа. Би амьдралдаа янз бүрийн хүмүүстэй учирч байлаа. Тэр дундаас  жинхэнэ гэх найзууд аз болоход  нилээд олон бий.

-Ах эгч, дүү нар чинь тэдний тоонд багтдаг уу?

-Тэгэлгүй яахав! Бид чинь бие биедээ жинхэнэ “тулгуур дэмжлэгийн систем” байхгүй юу. Би охин дүү Алиг таагүй зүйлээс хол байлгахыг хичээдэг. Түүний гуниглаж байхыг харахад их хэцүү шүү. Бас өөр бусад зүйл бий. Бид нэг размерын хувцас өмсдөг. Тэр Лос-Анжелест ирэхдээ чемоданаа хүртэл авчирдаггүй гээч. Зүгээр л миний хувцасны өрөө рүү ороод таалагдсан хувцсаа  авдаг.

-Харин эцэг эхийн тухайд? Тэд нартай ямар харьцаатай байгаа вэ?

-Миний ээж бол үнэхээр маш сайхан, гайхалтай эмэгтэй –  бид хоёр зүү шивэх зайгүй найзууд. Харин аавын хувьд бил хоёрын хооронд асуудал гарч байсан. Гэхдээ би эвлэрэхийг оролддог.  Одоо бидний харьцаа тийм ч муу байхаа болиод сайжирсан гэж санагддаг шүү.

-Таны амьдралыг орвонгоор нь өөрчилсөн тэр өдрийг санадаг уу?

-Тиймээ! “Эцэг эхдээ тавьсан урхи” киноны нээлтийн  дараа болсон юм байна. Хичээлдээ иртэл манай ангийн хүүхдүүд бүгдээрээ тэр киног зуны амралтаараа үзсэн байсан. Их сонин мэдрэмж төрдөг юм байна лээ...

-Та киноны зохиол болон дүрээ яаж сонгодог вэ?

-Нэгдүгээрт, би зохиолын түүхийг анхаардаг. Ямар утга учиртайг ойлгохыг хичээнэ. Дараа нь миний тоглох ёстой дүрийг судлана. Түүний онцлог, хувийн зан чанар гээд... Мөн мэдээж, найруулагч, киноны баг зэрэг ихээхэн үүрэг гүйцэтгэнэ. Би чинь кинон дээрээ ажиллахдаа  эдгээр хүмүүстэй харьцаж, хамтдаа багагүй хугацааг өнгөрүүлнэ шүү дээ.  

-Та маш сайн жүжигчин! Би чиний дүрүүдэд их хайртай. Танд таны тоглосон кинотой DVD- ний цуглуулга байгаа биз дээ?

-Өө, үгүй. Би өөрийнхөө тоглосон киног зориуд үздэггүй юм. Харин айлд байх үед, манай найзууд миний тоглосон киног тавих юм бол би эсэргүүцдэггүй  л дээ.  Гэхдээ кинотеатрт өөрийнхөө тоглосон киног үзэж байгаагүй. Киног монтажлаад, нээлт хийх үед би өөр төсөл дээр ажиллаж, дүрээ цээжилж байж таардаг юм.

-Кино зохиолоос гадна юу уншдаг вэ? Цаг гардаг уу? Таны хамгийн дуртай ном юу вэ?

-Үнэнээ хэлэхэд, кино зохиол уншаад дасчихжээ. Түүнээс гадна, сайхан санагддаг. Харин дуртай номны тухайд бол “Агуу Гэтсби” болон Хэмингуэйн зохиолууд.

-Ер нь тамд чөлөөт цаг гарахаар юу хийдэг вэ?

-Надад хувийн тэмдэглэл хөтөлдөг дэвтэр бий. Би тэнд  бүхний тухай, хүн бүрийн тухай бичдэг. Мөн би гар урлалын бүх төрлүүдийг сонирхдог. Би нэг юм хийгээд эхэлчихвэл  хэсэгтээ л ертөнцөөс тасарчихдаг.  Янз бүрийн техник ашиглан зураг зурах нь миний хувьд жинхэнэ амралт болдог. Зураг зурж байхдаа ганцаараа үлдэх дуртай. Энэ мөчүүдэд зураг болон миний уран сэтгэмж хоёр л үлддэг дээ.

-Заримдаа та нэг гоё дуу сонсоод, үүнийг Линдсей Лохан дуулаагүйд харамсаж байсан уу? Тийм зүйл тохиолдож байсан биз дээ?

-Үгүй, үгүй, энэ тухай би хэнд ч юу ч хэлэхгүй!

-Танд ямар хөгжим таалагддаг вэ?

-Надад Florence and the Machine болон Sia-ийн уран бүтээл их ойр санагддаг.

-Харин загварын ертөнцөд аль загварыг илүүд үздэг вэ?

Мэдээж, олон байгаа л даа. Энэ бол  Карл Лагерфельд, Аззедин Алайа, Ив Сен-Лоран ба  Кейт Мосс. Харин одоо Кира Пластинина нэмэгдсэн жишээтэй...

-Үүнийг сонсоход их таатай байна... Таны хувьд стиль гэж юу вэ?

-Энэ бол өөрийнөө онцлогийг хадгалах, хувцас болон аксессуарыг өөрийнхөө дотоод ертөнцтэй уялдуулан сонгох, өөрийгөө байгаагаар нь хайрлах ... Мөн өөрийгөө илэрхийлэхээс, эргэн тойрныхон ойлгохгүй дээ гэдгээс айхгүй байх хэрэгтэй.

-Таны дуртай гоо сайхны бүтээгдэхүүн? Хэрхэн гоо үзэсгэлэнтэй байх нууцаасаа уншигчидтай хуваалцаач?

-Миний ноу-хау  бол– Chanel Hydra Mask Serum болон загасны тостой витаминууд .

-Таны бодлоор төгс эрэгтэй хүн ямар байх ёстой вэ?

-Төгс хүн гэж байхгүй шүү дээ. Тиймээс, эрэгтэй хүн ч гэсэн төгс байх албагүй.