Реппер Rokit bay  бие даасан  хоёр дахь “Эвдэрхий хүн”  цомгийнхоо баярыг өнгөрсөн сард хийсэн билээ. Түүнээс асуухыг хүссэн асуултаа залуучууд Фэйсбүүк болон онлайн хэлэлцүүлгээр асуусан. Энэхүү асуултын хариултыг Rokit bay ч өгсөн юм.

    Реппер Rokit bay  бие даасан  хоёр дахь “Эвдэрхий хүн”  цомгийнхоо баярыг өнгөрсөн сард хийсэн билээ. Түүнээс асуухыг хүссэн асуултаа залуучууд Фэйсбүүк болон онлайн хэлэлцүүлгээр асуусан. Энэхүү асуултын хариултыг Rokit bay ч өгсөн юм.

-Хувиараа уран бүтээл хийхийн сайхан нь юу вэ?
-Янз бүрийн хүмүүсийн гар дор явах нь нэг ёсондоо хамаг хөдөлмөрөө шимүүлж байгаа хэрэг. Өөрийн хүссэн зүйлээ ч хийж чадахгүй болчихдог.  Тэгэхээр хувиараа уран бүтээл хийнэ гэдэг хэн нэгнээс хамааралгүй, дуу хоолойгоо чөлөөтэй илэрхийлэх боломжтой юм.

-Багын мөрөөдөл?
-Зохион бүтээгч болохыг мөрөөддөг байсан. Урьд өмнө нь байгаагүй зүйлийг ертөнц дээр шинээр бүтээнэ гэдэг гайхамшигтай юм. Одоо ч би энэ мөрөөдлөө биелүүлж явж байгаа гэж ойлгодог.

-Урлагт ороход тань гадны нөлөө байсан уу?
-Урлаг бол гадна, дотно гэлтгүй хүн бүрт нөлөө үзүүлдэг зүйл.  Надад гадны ч, дотны ч нөлөө бий. Гадны нөлөө гэвэл би гадаадын олон уран бүтээлчдийг сонсодог байсан. Эдгээр хүмүүсээс нөлөө авсан гэж хэлж болно.

-Дуун дээрээ өөрийгөө муу хүн болгож харуулдаг. Яагаад?
-Яг Rokit bay характер бол 100 хувь би биш юм. Уран бүтээлийнхээ зарим нэг хэсэг дээр өөрийн бодитой хэсгээс  харуулсан. Харин зарим нь нийгмийн үзлүүдээс төрж гарсан байдаг.

-Багадаа ямар хүүхэд байсан бэ?
-Ер нь хөдөлгөөнтэй хэрнээ гэртээ их байдаг хүүхэд байсан. Гэртээ л янз бүрийн зүйл хийж, туршиж үздэг байлаа.

-Монголын урлагт ирээдүйд ямар хувь нэмэр оруулах бол?
-Одоогоор яг ийм, тийм хувь нэмэр оруулна гэж хэлж мэдэхгүй. Цаг хугацаа ямар хувь нэмэр оруулж байгааг минь харуулах байх. Миний барьж байгаа зарчим бол бүх зүйлийг өөрөө хийх юм. Ая, үгээ ч өөрийгөө зохиохыг хүсдэг.

-Хөгширвөл та юу хийх вэ?
-Хөгширсөн ч урлагт хувь нэмрээ оруулна. Магадгүй кино найруулагч хийнэ. Ерөнхийдөө урлагийн чиглэлийн бүхий л ажилд сайн дураараа оролцох байх.

-Уран бүтээлүүдээрээ  үзэл бодлоо тусгасан байдаг. Тэгвэл өөр хэн нэгний амьдралаас сэдэвлэсэн уран бүтээл байдаг уу?
-Өөрийнхөө дотоод сэтгэлээр бичиж байгаа хэрнээ өөр хүний өнцгөөс харж бичсэн дуу байдаг.  "Харанхуй ертөнц" гэдэг дуу.

-"Нэг өдрийн хаан" гэдэг дуу шиг өөр хэн нэгэнд нэг өдөр хаан байхад нь тусалж чадах уу?
- Энэхүү дууг  гаргасан чин хүмүүс буруугаар их ойлгосон. Нэг өдөр алтанд умбаад л амьдрах тухай дуу гэж ойлгоод байх шиг. Тэгвэл энэ дуу нь авъяасаа ил гаргаж, идэвхтэй зүйл хийхгүйгээр шал ондоо зүйл хийж насыг барснаас нэг өдөр мөрөөдлөө биелүүлж, хүссэн зүйлээ хийхтэй тэнцэх юм гэснийг харьцуулсан дуу юм.

-Өнөөгийн нийгэм таны хувьд хэрхэн харагдаж байна?
-Нийгэм 100 хувийн аз жаргалтай байна гэж хэзээ ч байхгүй.  Өнөөгийн нийгэм нэлээн хэцүү байгаа. Ялангуай залуучууд маань өөрсдийнхөө хүссэн ажлыг ч хийж чадахгүй амьдарч байна. Хүмүүсийн харьцаа муудаж байна. Нэгэндээ халдаж байна. Бухимдал маш их байна.

-Таны хамгийн дуртай дуу?
Шинэ цомгон дээрээс "Чөтгөрийн Пи Ар", "Эвдэрхий хүн" дуу надад маш их таалагддаг. Нэлээн гүнзгий сэдвүүдийг хөндсөн. Сонирхолтой дуунууд байгаа.

-Хамгийн их хугацаа шаардаж бүтсэн дуу?
-"Бид хоёр" дуу 4 сарын хугацаанд бүтсэн.

-Яагаад хүнтэй суудаггүй юм бэ?
- Эхнэр хүнийг дэлгүүрээс худалдаж авчихдаг биш. Насны ханиа олно гэдэг маш хэцүү зүйл.  Амархан шийдчихдэг хэрэг биш. Зөв хүнээ олоход цаг хугацаа хэрэгтэй.

-Таньд хоёр сонголт байсан гэсэн. Энэ талаар?
-Би маркетин бизнесийн чиглэлээр сурдаг байсан. Тэр үед хөгжмөөрөө бас явдаг. Тиймээс яг алийг нь сонгох вэ гэсэн зам дээр ирсэн. Ингээд аль замаар нь явахаа бодсон. Мэргэжлээрээ ажиллах, эсвэл урлагын зам байсан. Ингээд хамгийн хэцүү, эрсдэлтэй  буюу урлагийн замыг сонгосон

-Хамгийн хийх дуртай зүйл?
-Кино үзэх хоббитой. Ялангуай телевизийн олон ангит кинонууд. Гэхдээ Солонгос олон ангит кино үзэж байгаагүй.  Одоогоор "Breaking bad" үзэж байгаа. Мэдээж  дуу дуулах бол хамгийн эхний хийх дуртай зүйл.

-Тоглолтоо хэзээ хийх вэ?
-Тоглолтоо ирэх намраас хийх төлөвлөгөөтэй байна.

-Юуны орд вэ?
-Үхрийн орд. Зурхайтайгаа би яг зохицдог.

-Бахархдаг зүйл?
-Нэгдүгээрт Монгол улсаараа бахархдаг. Ингээд хэлчихвэл намайг хужаа гэж ойлгочихгүй байх. Энд тэнд намайг хужаа царайтай гээд байдаг. Тэгвэл манай удамд ямарч хужаа байхгүй. Би цэвэр монгол хүн. Өөрийн эх орондоо хужаа мэтээр доромжлуулахгүй тайван амьдармаар байна.

-Өөрийнхөөрөө байна гэдгийг юу гэж ойлгодог вэ?
-Хүний хажууд хийгээ гаргах бол биш. Өөрийнхөөрөө байна гэдэг дүр эсгэхгүй байх. Өөрийнхөөрөө байна гэдэг бүдүүлэг байхыг хэлэхгүй.

                                                                                                                                    Д.Ундрах /24tsag.mn/