Бразилийн алдарт загвар өмсөгч Адриана Лима хоёр дахь хүүхдээ төрүүлснээс найман долоо хоногийн дараа энэ жилийн “Victoria’s secret” загварын шоуг нээсэн билээ. Тэрбээр яаж ийм хурдан хугацаанд сахиусан тэнгэрийн галбиртаа эргэж орсон талаараа ярьсан ярилцлагыг хүргэе.

    Бразилийн алдарт загвар өмсөгч Адриана Лима хоёр дахь хүүхдээ төрүүлснээс найман долоо хоногийн дараа энэ жилийн “Victoria’s secret” загварын шоуг нээсэн билээ. Тэрбээр яаж ийм хурдан хугацаанд сахиусан тэнгэрийн галбиртаа эргэж орсон талаараа ярьсан ярилцлагыг хүргэе.

-Шоуны үзүүлбэрийн үеэр бэлэн болох маш хэцүү юм шиг санагддаг. Та нар яаж энэ дарамтыг давж байна даа?

-Би хувцсаа үзүүлэхээр бэлэн болох үедээ ямар нэгэн дарамт мэдэрдэггүй. Хэн ч намайг үзүүлбэрт бэлэн болгохын тулд шахалт үзүүлдэггүй. Энэ бол миний л гаргасан шийдвэр учраас би агентлагийнхаа зүгээс тавьдаг шаардлагуудыг шахалт хэмээн хардаггүй юм л даа. Төрөөд удаагүй байхдаа тайзан дээр гарна гэдэг байгалийн хуультай тохиролцож байгаа том шийдвэр байсан. Хүүхэд төрүүлснийхээ дараа загварын тайзан дээр бэлэн болоход хүний бие ямар хариу үйлдэл үзүүлдэг вэ гэдгийг би тааж мэдээгүй байсан юм.

-Та энэ оны загварын шоуг нээсэн. Хоёр дахь хүүхдээ төрүүлээд найман долоо хонож байсан шүү дээ. Тэр том өдөр таны бие ямархуу байсан бэ?

-Би шоуны болгоны өмнө бага зэрэг стресстдэг.  12 сарын дөрөвний өдөр би стрессээ урьдын адил ингэсгээд л алга болох байх хэмээн бодож байсан. Гэвч алга болоогүй. Шоуг нээж байгааг ч хэлэх үү стресс, сандрал их байсан. Сахиусан тэнгэр бүр өөрсдийн стресс, сандралаа тайлах аргатай байдаг. Би стресстсэн үедээ хүнтэй ярилцах дургүй, зүгээр л хөгжим сонсдог. Ихэнхдээ Эминем, Рианна, Рок н Ролл, Найфын дуунуудыг сонсдог юм.

-Шоунд бэлэн болох нь танд хар дарсан зүүд шиг санагдаж байсан удаа байгаа юу? Та нарын барьж гарч ирдэг аварга том чихэр араас чинь хөөгөөд л ...

-Шоунд бэлэн болоход хэзээ ч ийм мэдрэмж төрж байгаагүй. Харин биеийн тамирын заал руу явах өдөр бүр надад хар дарсан зүүд шиг санагддаг. Би дасгал хийх дуртай, гэхдээ энэ тун амаргүй ажил шүү дээ. Биеийнхээ галбирт төгс байдлыг олохын тулд өдөр бүр дасгал хийх хэрэгтэй. Энэ жилийн хувьд биеийнхээ галбирт эргэн орж чадах эсэхдээ тун эргэлзээтэй байлаа. Харин одоо бол дажгүй ээ.

-Сахиусан тэнгэр Кара Делевинг, Жоурдан Данн нар шоуны өмнө тахианы мах, пицца идсэн. Та тэдэнтэй нэгдмээр л байсан уу?

-Би тэндээс бага зэрэг ахимаг насны эмэгтэй. Тиймээс өдий насандаа юу идэх вэ гэдгээ маш их анхаардаг.

-Та тэднийг тийм хоол идсэнээрээ аварга том пицца эсвэл тахианы далавч болно гэж хэлж байна уу?

-Магадгүй тийм болж болох л юм. Гэхдээ мэдээж яг одоо биш л дээ. Тэд ийм хоол идэж байгаагыхаа үр дүнг ирээдүйд өөрөөр хэлбэл миний насан дээр харах болно. Миний хувьд эрүүл хүнс идэх л дуртай. Би хоёр хүүхэдтэй боллоо. Тэдний эрүүл мэндэд ч бас санаа зовж байгаа учраас би эрүүл хүнс сонгодог үлгэр жишээ байх ёстой юм. Би гурван настай хүүхдээ надаас “Ээж ээ, өдрийн цайндаа шоколад идье тэгэх үү?” гэж асуухыг хүсэхгүй байна. Шоколад болон бялуу бол баярын хэрэглээ. Та үүнийг өдөр тутмын хүнсээр сонгох хэрэггүй.

-Энэ жилийн шоу дууссаны дараа та хамгийн эхлээд юу хийсэн бэ? Тайзны араар гүйж ороод л, дотуур хувцсаа тайлаад бургер идэхээр дайрсан уу?

-Би жижиг кекс идсэн. Би өдөр бүр кекс иддэггүй л дээ, хаяа даа шоуны дараа үүнийг сонгодог юм. Эрүүл хүнс хэрэглэх нь миний ажил юм.

-“Victoria’s secret”-ийн охид шоунд бэлэн болохын тулд өлбөрч үхэх шахдаг гэсэн хошин яриа байдаг шүү дээ. Та заримдаа шоуны бэлтгэл хийж шаргуу хөдөлмөрлөж буй зургуудаа твиттертээ тавьсан байдаг. Яг яаж бэлддэг юм бэ?

-Би хоёр ч хүүхэд төрүүлсэн учраас биеийнхаа галбирыг сайхан хэвээр хадгалахын тулд хичээх хэрэгтэй байсан. Тиймээс өдөр бүр маш их дасгал хийсэн. Би хэзээ ч ямар нэгэн ажлыг өөрийнхөөрөө хийх боломжгүй гэсэн үг юм. Би хувийн дасгалжуулагчтайгаа тогмтол хичээллэдэг. Гэхдээ хүмүүсийг сахиусан тэнгэрүүд юм иддэггүй гэсэн ойлголтоосоо салаасай хэмээн хүсч байна. Би өөрийгөө өлсгөдөггүй. Би хоол идэх дуртай, гэхдээ юуг идэх ёстойгоо л хянаж чаддаг юм.

-Та яг ямар дасгалыг илүү хийсэн бэ? Бас ямар хоол идсэн?

-Боксоос эхлээд л янз бүрийн дасгал хийнэ шүү дээ. Өглөө эрт гүйх хүртэл дасгалын хуваарьт багтаж байсан. Харин хоолны дэглэмийн хувьд би өдөрт гурван дусал уураг, жигнэсэн ногооны хамт өдөрт гурван удаа идэж байлаа. Уух юм нь маш их ус.

-Шоунд бэлэн болох хүүхэд төрүүлэх хоёрын аль нь илүү хэцүү вэ?

-Би хоёр хүүхэд төрүүлсэндээ баяртай байгаа. Та өөрийнхөө сонголтыг хийсэн л бол ямар нэгэн зүйлийг хий гэж хүчлэгдэхгүй гэсэн үг. Тиймээс хүүхдүүдээ төрүүлэхэд тийм их зовиур мэдрээгүй юм. Ээж болох нь үнэхээр гайхалтай. Үүнийг дүрслээд хэлчих өөр үг алга даа. Харин “Victoria’s secret” шоуны хувьд би дэлхий дээрх охин бүр сахиусан тэнгэр байхыг хүсдэг гэж боддог.