Энэ сарын 22-нд буюу маргааш МҮЭСТО-д Улаанбаатар хотод баригдаж буй 50 гаруй шинэ орон сууцны үзэсгэлэн болно. Уг үзэсгэлэнгийн үеэр орон сууцны үнэ ханш тодорхой болох аж. Ингээд барилгын салбарт тулгараад буй цаг үеийн асуудлаар “Coordinate” төвийн Ерөнхий захирал Г.Түмэнжаргалтай ярилцлаа.
    Энэ сарын 22-нд буюу маргааш МҮЭСТО-д Улаанбаатар хотод баригдаж буй 50 гаруй шинэ орон сууцны үзэсгэлэн болно. Уг үзэсгэлэнгийн үеэр орон сууцны үнэ ханш тодорхой болох аж. Ингээд барилгын салбарт тулгараад буй цаг үеийн асуудлаар “Coordinate” төвийн Ерөнхий захирал Г.Түмэнжаргалтай ярилцлаа.

-Орон сууцны метр квадратыг нэг сая байлгах боломжтой гэсэн. Гэвч одоо зарагдаж байгаа барилгууд нэг саяыг хэдийнээ давсан байдаг?

-Монголын зах зээлд баригдаж байгаа орон сууц зарим нэг судалгааны байгууллагуудын хийсэн судалгаагаар дөрвөн зэрэглэлд байгаа. Стандарт буюу стандарт дундаж, бизнес, тансаг зэрэглэлийн гэж дөрөв ангилагдаж байна. Тэгэхээр энэ зах зээлд байгаа бүр орон сууцны үнийг дундажлаж авч үзвэл болохгүй. Стандарт буюу бага дунд орлоготой иргэдэд зориулсан орон сууцны үнэ 900 мянгаас сая 300 мянгын хооронд байгаа. Энэ чиглэлд ажиллаж байгаа компаниудыг төрөөс дэмжиж, энэ секторт барих орон сууцнуудыг санхүүжүүлэх тодорхой эх үүсвэрүүдийг гаргаж байгаа гэсэн мэдээлэл өгсөн.

-Засгийн газраас олгож буй зургаан хувийн хүүтэй зээлийн талаар?

-Засгийн газраас 2012 онд зургаан хувийн хүүтэй зээлийг тодорхой иргэдэд өгсөн байгаа. Энэ жил эрэл талдаа Засгийн газрын бодлого арай байдлаар хэрэгжих байх. Яг энэ чиглэлд банкиуд буюу Монгол банктай хамтраад, Барилга хот байгуулалтын яам, Эдийн засаг хөгжлийн яамтай хамтраад бодлого боловсруулж байгаа. Үүнийг Засгийн газраас удахгүй зарлана гэж бидэнд мэдээлэл өгсөн. Тэгэхээр иргэдэд ямар хэмжээний хүүтэй орон сууцны зээл очих вэ гэдэг нь удахгүй тодорхой болох байх. Ерөнхийдөө эхний байдлаар авсан мэдээллээр найман хувь дээр нэмэх, хасах гэсэн байдалтай төлөвлөгдөж эхэлж байгаа юм билээ. Энэ бол шууд найман хувьд болно гэсэн үг биш байх. Урт хугацааны туршид бага багаар хасагдаж байгаад энэ хэмжээнд хүрэх байх.

-Зээлийн хүүгээ бууруулсан банк байна уу?

-Голомт банк орон сууцныхаа зээлийн хүүг хоёр хувиар бууруулсан байна лээ. Цаашдаа ч буурах хандлагатай.

-Тэгэхээр бусад банкиуд дагаад бууруулах боломжтой юу?

-Бусад банк ч гэсэн бууруулах төлөвлөгөөтэй байгаа.

-Маргааш болох үзэсгэлэнгийн талаар?

-Зарим компаниуд үзэсгэлэнгийн үеэр урамшуулал ямар нэгэн хямдралыг зарлаж байгаа. Тэгэхээр энэ үзэсгэлэнгийн үеэр 50 гаруй орон сууцны барилгын мэдээллийг нэг дороос, мөн банкуудын мэдээллийг нэг дороос авах боломжтой.

-Барилгын материалын үнэ өсөөд байх юм?

-Ер нь барилгын үнэ яагаад өсөөд байгаа талаар маш олон судалгаанууд хийгдсэн байдаг. Газрын үнээс, инженерийн шугам сүлжээ, хувийн компаниуд өөрсдөө хийддэг, барилгын материал төлөвлөгдсөн үнээс нь өсдөг, тээврийн зардал холбоотой гээд судалгаагаар гардаг. Үүнд нэмж хэлэхэд, үл хөдлөх хөрөнгө дээр ажилладаг зуучилдаг хүмүүс оролцож, үнэд нөлөөлдөг магадлалтай.

-Танай төв барилгын материал үйлдвэрлэгчдийг дэмжинэ гэлээ. Яг ямар арга хэмжээ авах гэж байна?

-Барилга, хот байгуулалтын яамнаас барилгын материалын үйлдвэрлэгчид буюу худалдаачид орон сууцны зах дээлд хөрөнгө оруулагч компаниудад бага дунд орлоготой иргэдэд зориулсан орон сууц барихад дэмжлэг үзүүлэх бодлого боловсруулж байгаа. Мөн барилын материалыг дотооддоо үйлдвэрлэхэд тодорхой хэмжээний судалгаа явуулж байна. Ингэснээр барилгын үнийг тогтвортой байлгахад тодорхой хэмжээгээр нөлөөлнө хэмээн үзэж байгаа.