Өмнөговь аймгийн Овоот толгой нүүрсний уурхайг эзэмшдэг “Саусгоби ресурс” компанийн зарим албан тушаалтнууд авлигийн хэргээр шалгуулж байгаа билээ. Энэ компаний хувьцааны 58 хувийг эзэмшдэг “Torquise Hill Resources” /хуучнаар “Айвенхоу Майнз”/ компани өөрийн хувиа Хятадын төрийн өмчит “Чалко” компанид зарах гэсэн нь олон нийтийн эсэргүүцэлтэй тулгарч, Ашигт малтмалын газраас тусгай зөвшөөрлийг нь цуцалсан. Тэгвэл Овоот толгой орд саяхнаас үйл ажиллагаа явуулж эхэлжээ. Тэд 2013 онд нийт 3.2 сая тонн хагас коксжих нүүрс олборлохоор төлөвлөж байгаа аж.Энэ уурхайг хаагдсанаас хойш Ашигт малтмалын газрын дарга асан Ц.Батхуягт авлигал өгсөн байж болзошгүй гэж хуулийн зөвлөх Сара Армсторнгийг АТГ-аас байцааж, удаан хугацаанд Монголоос гарахыг нь хориглож байсан. Мөн “Саусгоби ресурс” компанийн ерөнхийлөгч Жастин Каплаг ч АТГ-аас Монгол Улсаас гарахыг түр хориглосон юм.
Одоогоор улс төрчдийн дунд маргаан дэгдээж байж цуцалсан тусгай зөвшөөрлийг нь ямар учраас эргүүлэн олгосон нь тодорхойгүй байна. Тухайн үед гэрээгээ зөрчлөө гэж Монгол улсын нэр олон улсын дунд унаж, багагүй эрсдэл хүлээсэн байдаг. Мөн “Саусгоби ресурс”-ын захирал Жастин Капла Ц.Батхуягийн хэрэгтэй холбоотой байсан уу гэдэг талаар ч мэдээлэл байхгүй байна. Хуулийнхан Жастин Каплаг хамгийн багадаа 11 сар Монголоос гарахыг хоригложээ. Каплагийн захидалд бичсэнээр түүнийг 5-р сар хүртэл, магадгүй 6-р сар хүртэл энэ хорионд байлгах бололтой. Ойрын өдрүүдэд Оюутолгойн ордын гэрээнд өөрчлөлт оруулах тухай "Рио Тинто" болон Монголын Засгийн газрын уулзалт болж буй тул Жастин Каплагийн асуудлыг хөндөхгүй, болгоомжтой хандаж байгаа гэж зарим эх сурвалж хэлж байна. Учир нь "Саусгоби ресурс" компанийн цаад эзэмшигч нь Австралийн "Рио Тинто" групп билээ.
Мэдээлэл:
"
Саусгоби Ресурс" компани нь Торонто болон Хонгконгийн хөрөнгийн биржид бүртгэлтэй бөгөөд нийт хувьцааных нь 58 хувийг “Torquise Hill Resources” компани эзэмшдэг. “Torquise Hill Resources” нь "Саусгоби" компанийг 2012 оны 9-р сараас удирдах болсон бөгөөд төлөөлөн удирдах зөвлөл болон компанийн дээд удирдлагад өөрчлөлт оруулаад байна. “Torquise Hill Resources” компанийн ихэнх хувийг "Рио Тинто" эзэмшдэг юм. "Саусгоби Ресурс" нь Монгол Улсын өмнийн хэсэгт орших төмөрлөгийн болон эрчим хүчний нүүрсний орд газрын хайгуул болон олборлолтын үйл ажиллагаанд төвлөрөн ажиллаж байна. Тус компани нь Монгол Улсад бүртгэлтэй, хайгуулын болон ашиглалтын тусгай зөвшөөрөл эзэмшин, өөрийн гол орд болох Овоот Толгойн нүүрсний уурхайд олборлолт явуулдаг "Саусгоби сэндс" компанийг 100 хувь эзэмшдэг юм. Компани нь Овоот Толгойн ордоос олборлосон нүүрсээ Хятадын зах зээлд нийлүүлдэг.
Саусгоби Ресурс" компани нь Торонто болон Хонгконгийн хөрөнгийн биржид бүртгэлтэй бөгөөд нийт хувьцааных нь 58 хувийг “Torquise Hill Resources” компани эзэмшдэг. “Torquise Hill Resources” нь "Саусгоби" компанийг 2012 оны 9-р сараас удирдах болсон бөгөөд төлөөлөн удирдах зөвлөл болон компанийн дээд удирдлагад өөрчлөлт оруулаад байна. “Torquise Hill Resources” компанийн ихэнх хувийг "Рио Тинто" эзэмшдэг юм. "Саусгоби Ресурс" нь Монгол Улсын өмнийн хэсэгт орших төмөрлөгийн болон эрчим хүчний нүүрсний орд газрын хайгуул болон олборлолтын үйл ажиллагаанд төвлөрөн ажиллаж байна. Тус компани нь Монгол Улсад бүртгэлтэй, хайгуулын болон ашиглалтын тусгай зөвшөөрөл эзэмшин, өөрийн гол орд болох Овоот Толгойн нүүрсний уурхайд олборлолт явуулдаг "Саусгоби сэндс" компанийг 100 хувь эзэмшдэг юм. Компани нь Овоот Толгойн ордоос олборлосон нүүрсээ Хятадын зах зээлд нийлүүлдэг.Т.Гэрэл
Сэтгэгдэл (1)